Полацкі раённы выканаўчы камітэт

Музыка розных эпох, стыляў і характараў прагучыць 21 сакавіка на арганным вечары расійскага музыканта Юрыя Сямёнава ў Віцебску. Аб гэтым карэспандэнту БЕЛТА паведаміла рэжысёр Віцебскай абласной філармоніі Кацярына Дыбаль.

Напярэдадні святкавання 105-годдзя з дня ўтварэння ўнутраных войскаў МУС у Віцебскай вайсковай часці 5524 правялі дзень адкрытых дзвярэй для жыхароў і гасцей абласнога цэнтра. Маленькія і дарослыя госці вайсковай часці змаглі стаць удзельнікамі шматлікіх інтэрактыўных зон.

16 сакавіка пад кіраўніцтвам старшыні Савета Рэспублікі Наталлі Качанавай прайшло пасяджэнне кансультатыўнага савета пры Савеце Рэспублікі Нацыянальнага сходу Рэспублікі Беларусь па пытаннях сацыяльнай адаптацыі і інтэграцыі дзяцей з асаблівасцямі псіхафізічнага развіцця. Перад пасяджэннем удзельнікі кансультатыўнага савета наведалі Цэнтр карэкцыйна-развіваючага навучання і рэабілітацыі Полацкага раёна, СШ нумар 18 імя Ефрасінні Полацкай.

15 сакавіка 20 школьнікам з Віцебскай вобласці старшыня аблвыканкама Аляксандр Субоцін уручыў іх першыя пашпарты грамадзян Беларусі. Удзельнікамі і галоўнымі героямі рэспубліканскай акцыі "Мы - грамадзяне Беларусі" ў Віцебску сталі 20 лепшых вучняў з усяго паўночнага рэгіёна - выдатнікі ў вучобе, спорце, актывісты ў грамадскім жыцці, валанцёры з добрым сэрцам. Пасля ўрачыстай цырымоніі ўручэння пашпартоў Аляксандр Субоцін пагутарыў з хлопцамі ў фармаце адкрытага дыялогу.

Супрацоўнікі ДПС ДАІ УУС Віцебскага аблвыканкама правялі рэйд у адным з густанаселеных мікрараёнаў абласнога цэнтра па выяўленні парушэнняў і папярэджанні ДТЗ з удзелам маршрутак. За ўвесь час праверкі да адміністрацыйнай адказнасці былі прыцягнуты каля 400 службовых асоб і арганізацый, у тым ліку адзін вадзіцель-бяспраўнік і асоба, якая дапусціла яго да кіравання транспартным сродкам. У 54 выпадках былі выяўлены парушэнні перавозак пасажыраў, 13 вадзіцеляў маршрутак перавысілі скорасць.

Віцебская вобласць прывезла чатыры перамогі з фіналу маладзёжнага праекта "100 ідэй для Беларусі". Сярод лепшых - распрацоўка другакурсніцы Віцебскага дзяржаўнага індустрыяльна-тэхналагічнага каледжа Дар'і Тарасевіч. Разам з кіраўніком выкладчыкам інфарматыкі Хрысцінай Куставай яны прадставілі сэнсарныя акуляры для людзей са слабым зрокам. Прататып дэвайса важыць крыху больш за 130 г і аснашчаны ультрагукавымі датчыкамі і вібраматорамі.Гаджэт плануюць удасканаліць, дабавіўшы некалькі карысных функцый і надаўшы яму эстэтычны выгляд.

Зрабіць рэтра-здымак у фотаатэлье і даведацца аб гісторыі стварэння такіх здымкаў прапануюць наведвальнікам экспазіцыі "Пра.ФОТА. Гісторыя фатаграфіі XIX - пачатку XX стагоддзя" ў гарадской ратушы ў Віцебску. Аб гэтым карэспандэнту БЕЛТА паведамілі ў абласным краязнаўчым музеі.

Трэці цыкл лекцый-канцэртаў Ad libitum Віцебскай абласной філармоніі быў прысвечаны "Мастацтву XX стагоддзя", і яго тэмай стала творчасць знакамітай савецкай спявачкі Клаўдзіі Шульжэнка. Аб гэтым карэспандэнту БЕЛТА паведамілі ва ўстанове культуры.

Напярэдадні 8 Сакавіка прадстаўнікі Віцебскага аблвыканкама правялі традыцыйную віншавальную акцыю для жанчын, якія знаходзяцца ў абласным радзільным доме. Жыхаркі Віцебскай вобласці і іншых рэгіёнаў, якія ўжо нарадзілі або якім давядзецца вось-вось прайсці гэта важнае для кожнай жанчыны выпрабаванне, атрымалі ў падарунак кветкі і віншаванні.

6 сакавіка ў Віцебскім дзяржаўным тэхналагічным універсітэце прайшоў рэгіянальны этап рэспубліканскага агляду інавацыйнай і тэхнічнай творчасці навучэнцаў і работнікаў устаноў адукацыі вобласці. На выставе прадстаўлены 1082 экспанаты ў розных намінацыях: электроніка, радыё- і робататэхніка, прыборабудаванне, вытворчыя тэхналогіі, машынабудаванне, сельская гаспадарка, энергазберагальныя тэхналогіі, прамысловы дызайн, мадэляванне, арт-аб'екты, садова-паркавы дызайн і інш.