Полацкі раённы выканаўчы камітэт

Ваеннаслужачыя 103-й віцебскай асобнай гвардзейскай паветрана-дэсантнай брыгады напярэдадні прафесійнага свята правялі на плошчы Перамогі грандыёзнае шоу. Тут адбыўся канцэрт, працавалі інтэрактыўныя зоны. На сцэне выступіў ваенны аркестр 103-й брыгады, ансамбль "103 рэгіён", байцы разведвальна-дэсантнай роты з паказальнай праграмай. Інтэрактыўныя зоны ўключалі ў сябе катанне на БТР, "Каймане", квадрацыкле. Жадаючыя змаглі пераадолець палосы перашкод (разбураны мост, лабірынт, скалу), пачаставацца салдацкай кашай, чаем, паглядзець выстаўку стралковай зброі і ваеннай тэхнікі.

Канцэрт арганнай музыкі лаўрэата міжнародных конкурсаў Кацярыны Нікалаевай пройдзе 8 жніўня ў Сафійскім саборы ў Полацку, паведамляе БЕЛТА.

Збожжа новага ўраджаю паступае з 9 раёнаў Прыдзвінскага краю на Віцебскі камбінат хлебапрадуктаў. На 28 ліпеня прадпрыемства прыняло больш за 5 тыс. т харчовага збожжа.

У Аршанскім раёне 27 ліпеня ўшаноўвалі першы экіпаж-тысячнік з гаспадаркі "Межава-Агра". Бацька і сын Валянцін і Уладзіслаў Лапцінскія першымі ў паўночным рэгіёне пераадолелі тысячны намалот збожжавых, удваіх яны працуюць ужо чацвёрты сезон. Таксама ў гэты дзень ушаноўвалі камбайнера Аляксея Капашылава з СВК "Ларынаўка".

У Віцебскім абласным клінічным цэнтры пульманалогіі і фтызіятрыі запусцілі новы камп'ютарны тамограф.

Выязное пашыранае пасяджэнне Прэзідыума Савета Рэспублікі на тэму "Аб эфектыўнасці і выніках работы Віцебскага абласнога выканаўчага камітэта, Віцебскага абласнога Савета дэпутатаў са зваротамі грамадзян і юрыдычных асоб у першым паўгоддзі 2021 года" прайшло 23 ліпеня ва Ушачах.

22 ліпеня старшыня Савета Рэспублікі Наталля Качанава правяла прыём грамадзян у Новалукомльскім гарвыканкаме.

Обальскі керамічны завод па дзяржпраграме інавацыйнага развіцця Беларусі плануе асвоіць выпуск новых відаў прадукцыі з палепшанымі спажывецкімі характарыстыкамі. Аб гэтым ішла размова на сустрэчы першага намесніка старшыні Дзяржаўнага камітэта па навуцы і тэхналогіях Андрэя Касоўскага з кіраўніцтвам прадпрыемства, паведамілі карэспандэнту БЕЛТА ў прэс-службе ДКНТ.

Дзяржаўнае аб'яднанне "Віцебскае ўпраўленне будаўніцтвам" плануе выйсці на рынак будаўнічых паслуг Пскоўскай вобласці, паведаміў карэспандэнту БЕЛТА генеральны дырэктар аб'яднання Аляксей Гапоненка.

Абноўлены офіс службы "Адно акно" пачаў працаваць у Наваполацку. Цяпер усе звароты грамадзян прымаюцца ў асобным памяшканні побач з гарвыканкамам.