Полацкі раённы выканаўчы камітэт

Абласны навагодні баль для навучэнскай і студэнцкай моладзі сабраў у Віцебску 80 перспектыўных і таленавітых юнакоў і дзяўчат, перадае карэспандэнт БЕЛТА.

Пераможцаў рэспубліканскага конкурсу сярод устаноў дашкольнай адукацыі "Інфарматыка без разеткі" назвалі ў Оршы. Адукацыйны праект дапамагае навучыць асновам інфарматыкі без выкарыстання камп'ютара дзяцей ва ўзросце 5-7 гадоў, перадае карэспандэнт БЕЛТА.

Валерый Зінкевіч нарадзіўся ў іншай краіне, а пераехаў у Браслаў з сям'ёй у 4 гады. Тут ён вырас, набыў сяброў і блізкіх людзей. Разам з жонкай, якая загадвае мясцовым музеем традыцыйнай культуры, ён развівае аграэкатурызм, дапамагае арганізоўваць фестывалі сярэднявечнай культуры і экспазіцыі. "Браслаў - гэта мая Радзіма, тое месца, тыя азёры, тыя лясы, тыя людзі, без якіх я сябе не ўяўляю", - гаворыць майстар. Уладальнік аграэкасядзібы Валерый Зінкевіч, керамічных спраў майстар, сваім пастаяльцам акрамя прадастаўлення начлегу заўсёды гатовы правесці змястоўны майстар-клас і расказаць гісторыю мастацтва. У яго ганчарнай майстэрні, якую ён сам называе мікра-арт-прасторай, нават самы далёкі ад крэатыву чалавек акунаецца ў творчасць. Праз аграэкасядзібу мастака праходзіць турыстычны маршрут "Кругасветка ўражанняў", які ўключае таксама конныя прагулкі, водныя экскурсіі, візіты ў мясцовы Музей традыцыйнай культуры, на сямейную ферму.

На сцэне Віцебскай абласной філармоніі ў рамках Міжнароднага фестывалю імя І.І.Салярцінскага выступіў Дзяржаўны аркестр рускіх народных інструментаў "Мяцеліца" з Санкт-Пецярбурга пад кіраўніцтвам стваральніка і мастацкага кіраўніка заслужанага артыста Расіі Ігара Таніна. Калектыў прадставіў публіцы праграму з музычных твораў сучасных пецярбургскіх кампазітараў і аўтарскіх аранжыровак рускіх народных песень.

Музыканты Віцебска і Санкт-Пецярбурга незапланавана сумесна выступiлi на Міжнародным музычным фестывалі І.І.Салярцінскага. Такую прапанову падчас круглага стала ў Віцебскай абласной філармоніі агучыў кіраўнік і дырыжор Дзяржаўнага аркестра рускіх народных інструментаў "Мяцеліца" заслужаны артыст Расіі Ігар Тонін. На сустрэчы бакі абмеркавалі пытанні прафесійнай ігры на народных інструментах і міжнароднае супрацоўніцтва ў гэтым напрамку, перадае карэспандэнт БЕЛТА.

Мадэрнізаваны рэнтген-кабінет пасля капітальнага рамонту адкрылі ў Віцебскай гарадской клінічнай бальніцы хуткай дапамогі. У абсталяваным кабінеце ўстаноўлены новыя стацыянарны рэнтгенаўскі дыягнастычны апарат "Космас 535". Новы апарат у разы скароціць час абследавання і павысіць яго якасць.

У Полацкім дзяржаўным універсітэце імя Ефрасінні Полацкай старшыня Савета Рэспублікі Наталля Качанава сустрэлася са старшынямі раённых і гарадскіх Саветаў дэпутатаў, старшынямі раённых і гарадскіх выканаўчых камітэтаў Віцебскай вобласці.

У Віцебску пачалі працаваць два каткі каля культурна-спартыўнага комплексу Летняга амфітэатра цэнтра культуры "Віцебск". Для наведвальнікаў тут працуе пункт пракату спартыўнага інвентару, дзе можна ўзяць напракат канькі.

У выставачнай зале Віцебскага цэнтра сучаснага мастацтва адкрылася персанальная выстава Сяргея Сурыновіча "Птушыны вянок". Аб гэтым карэспандэнту БЕЛТА паведамілі ва ўстанове культуры.

6 снежня капсулу з пасланнем нашчадкам заклалі на будаўніцтве транспартна-лагістычнага цэнтра ў Віцебскім раёне. Аб'ект увасобіць у сабе лепшыя тэхналогіі падобных цэнтраў, пабудаваных у краіне. Агульная плошча транспартна-лагістычнага цэнтра (ТЛЦ) "Віцебск-Белмытнясэрвіс" зойме больш за 9,7 га. Ён будзе разлічаны амаль на 130 машына- месцаў.