Полацкі раённы выканаўчы камітэт

Настаўніку матэматыкі гімназіі нумар 2 г.Віцебска Святлане Матросавай прысвоена званне "Чалавек года Віцебшчыны". Гэтай узнагароды ў намінацыі "Сацыяльная сфера (адукацыя)" яна ўдастоена рашэннем Віцебскага аблвыканкама.

XVIII міжнародная Жаўтыкаўская алімпіяда па матэматыцы, фізіцы і інфарматыцы прынесла ў скарбонку віцебскай гімназіі нумар 2 сем медалёў рознай вартасці. Усяго ў прэстыжнай прадметнай алімпіядзе ўдзельнічалі дзевяць вучняў гімназіі. Першае месца па інфарматыцы заваяваў 11-класнік Кірыл Зароўскі. Сярэбраны медаль у алімпіядзе па матэматыцы ў 10-класніка Андрэя Шадрына. Упершыню ў міжнароднай матэматычнай алімпіядзе ў дысцыпліне прынялі ўдзел дзевяцікласнікі гімназіі. Дэбют увянчаўся двума бронзавымі медалямі, іх ва ўпартай барацьбе вырвалі Мацвей Арэшчанка і Іван Коршунаў. У тройку лідараў таксама трапілі дзесяцікласнікі Антон Палазкоў, Дзям'ян Клімаў і Уладзіслаў Максіменкаў.

Святочную акцыю ў гонар Дня абаронцаў Айчыны і Узброеных Сіл Рэспублікі Беларусь падрыхтавалі супрацоўніцы ДАІ УУС Віцебскага аблвыканкама. 23 лютага яны выйшлі на дзяжурства на плошчу Свабоды, дзе не толькі замянілі сваіх калег-мужчын, але і пажадалі мужчынам-вадзіцелям спакойных дарог і ўручылі памятныя сувеніры.

Творчая выстаўка майстроў Шумілінскага раённага дома рамёстваў і персанальная выстаўка майстра з гэтай установы культуры Наталлі Сцержанковай адкрылiся ў Віцебскім абласным метадычным цэнтры народнай творчасці (АМЦНР). Аб гэтым карэспандэнту БЕЛТА паведамілі ў АМЦНТ.

У Віцебску пачалася рэалізацыя білетаў на канцэрты XXXI Міжнароднага фестывалю мастацтваў "Славянскі базар у Віцебску".

У майстэрні па тэхнічным абслугоўванні і рамонце сельскагаспадарчых машын Гарадоцкага дзяржаўнага аграрна-тэхнічнага каледжа ідуць работы па рамонце сельскагаспадарчай тэхнікі. Навучэнцы каледжа разам з майстрамі вытворчага навучання рамантуюць сваю тэхніку, а таксама сельгаспрадпрыемстваў раёна.

17 лютага памочнік Прэзідэнта - інспектар па Віцебскай вобласці Анатоль Ліневіч правёў выязны прыём грамадзян і прамую тэлефонную лінію ў Аршанскім райвыканкаме.

Галоўным акцэнтам выставы "Дадому!", прысвечанай 33-годдзю вываду Абмежаванага кантынгенту савецкіх войскаў з Афганістана і адкрытай сёння ў Віцебску, стала вяртанне воінаў-інтэрнацыяналістаў з Афганскай вайны. Аб гэтым карэспандэнту БЕЛТА паведаміла галоўны хавальнік Віцебскага музея воінаў-інтэрнацыяналістаў Вікторыя Харкевіч.

15 лютага ў Віцебску адбыўся мітынг, прысвечаны Дню памяці воінаў-інтэрнацыяналістаў і 33-й гадавіне вываду савецкіх войскаў з Рэспублікі Афганістан, а таксама цырымонія ўскладання вянкоў і кветак да памятнага знака воінам-інтэрнацыяналістам "Боль". У мерапрыемствах прынялі ўдзел кіраўнікі і прадстаўнікі мясцовых органаў улады, дэпутаты, воіны-афганцы, ветэраны лакальных войнаў, сем'і загінулых, прадстаўнікі працоўных калектываў і грамадскіх арганізацый.

59 тралейбусаў штодзень выходзяць на лінію ў Віцебску, усе яны пасля вяртання з рэйса апрацоўваюцца дэзынфіцыруючымі сродкамі. На іх апрацоўку ідзе больш 100 л дэзынфіцыруючага раствору.