Полоцкий районный исполнительный комитет

З 18 красавіка 2024 года на другім паверсе Мастацкай галерэі працуе выстава літаграфіі «Асобы ў гісторыі».

Беларускія мастакі праявілі сябе ў майстэрстве літаграфіі. У творчасці большасці беларускіх графікаў дамінуе кніжная графіка. Ілюстраванне вырашае задачы вобразнага раскрыцця літаратурнага тэксту пры дапамозе малюнкаў (ілюстрацый). У добрай кнізе няпроста прасачыць, дзе заканчваецца ілюстраванне і пачынаецца афармленне. Творчы працэс у мастацтве кніжнай графікі складаны. Мастак павінен улавіць дух літаратурнага твора, яго стыль і адлюстраваць яго ў сваёй творчасці.

Беларускія графікі працягваюць традыцыі літаграфічнага друку, адкрываючы для нас складаны свет графічнага мастацтва.

На выставе прадстаўлены літаграфіі з серыі «Славутыя людзі Беларусі» Валянціна і Ляілі Варэца з фондаў НПГКМЗ. Выявы славутых асоб раскрываюць гледачу багаты свет беларускай гісторыі і культуры.

Выстава працуе да 18 красавіка 2025 года як частка пастаяннай экспазіцыі.

У зале Музея гісторыі архітэктуры Сафійскага сабора пачала працаваць выстава, прысвечаная археалагічным знаходкам, выяўленным падчас раскопак 2023 года на тэрыторыі полацкага Ніжняга замка, а менавіта на сучасным стадыёне “Спартак”. Раскопкі праводзіла экспедыцыя Інстытута гісторыі Нацыянальнай акадэміі навук Беларусі пад кіраўніцтвам супрацоўнікаў Полацкага дзяржаўнага ўніверсітэта імя Еўфрасінні Полацкай А.Л. Коца і І.У. Магалінскага. Вучоныя выявілі мноства матэрыялаў, якія пераканаўча сведчаць пра тое, што на дадзенай тэрыторыі ў канцы X–XI стст. размяшчаўся і актыўна функцыянаваў буйны, найстаражытнейшы на тэрыторыі Полацкага княства ювелірны квартал. Увазе наведвальнікаў прадстаўлены артэфакты Х – пачатку ХХ стст., у ліку якіх шмат прадметаў, звязаных з апрацоўкай каляровых металаў у X–XI стст.