Полацкі раённы выканаўчы камітэт

Беларусь павялічыла нарыхтоўку крыві і яе кампанентаў на 7 %. Аб'ёмы данацый за мінулы год дасягнулі максімуму ў гісторыі незалежнай Беларусі. Нарыхтавана больш за 260 тыс. літраў крыві, перапрацавана звыш 65 тон плазмы. Дзякуючы гэтаму ўдалося закрыць усе патрэбнасці медыцынскіх устаноў у кампанентах. Сфарміраваны і пастаянна падтрымліваецца рэзерв. Сёння ў Беларусі нарыхтоўку крыві праводзяць больш як 700 устаноў і прадпрыемстваў, да работы падключыўся і мабільны комплекс, які дазваляе праводзіць данацыі на выездзе. Летась донарамі крыві сталі звыш 110 тыс. чалавек.

У Беларусі і далей будуць узмацняць патрабаванні да якасці прадукцыі, пры гэтым удасканальваць матэрыяльна-тэхнічную базу для правядзення кантрольных мер. У краіне ўжо паспяхова працуе радыёбязрэхавая камера - сучасны выпрабавальны комплекс. У перспектыве лабараторыю даўкамплектуюць. Размова ідзе пра стварэнне аэракліматычнай камеры, у якой можна будзе ўзнавіць рэальныя і экстрэмальныя ўмовы эксплуатацыі тавару.

Беларусь і Саудаўская Аравія маюць намер надаць дынаміку ўсяму спектру двухбаковых адносін - развіць палітычныя, эканамічныя і гуманітарныя сувязі.

Адміністрацыйныя працэдуры ў сферы дзяржрэгістрацыі нерухомасці сталі даступныя анлайн. Зараз гэта можна зрабіць на адзіным партале электронных паслуг. Так, значна спрошчаны працэс падачы дакументаў, а таксама атрыманне адпаведнага рашэння. Новым парадкам змогуць скарыстацца фізічныя і юрыдычныя асобы, а таксама індывідуальныя прадпрымальнікі.

У навагоднюю ноч у Беларусі на свет з'явіліся 32 дзіцяці. І лічба гэтая значна большая, чым летась. Пры гэтым у першую хвіліну новага года пачулі крык адразу траіх малых.

У Беларусі завершаны клінічныя выпрабаванні айчыннай вакцыны супраць COVID-19. Забяспечыць насельніцтва прэпаратам плануюць к верасню наступнага года. Будзе створана каля 2 млн доз. У першую чаргу вакцынацыі падлягаюць людзі з групы рызыкі і медыкі. Праект рэалізаваны Міністэрствам аховы здароўя ў адпаведнасці з даручэннем Прэзідэнта і распрацоўваўся два з паловай гады.

Беларусь і Індыя пацвердзілі гатоўнасць да далейшай работы для надання дадатковага імпульсу ўсяму спектру адносін паміж дзвюма краінамі. Гэта было заяўлена на сустрэчы міністра замежных спраў Беларусі Сяргея Алейніка з Надзвычайным і Паўнамоцным Паслом Індыі ў Беларусі Алокам Ранджанам Джа, паведамілі БЕЛТА ў прэс-службе беларускага знешнепалітычнага ведамства.

Базавая велічыня ў Беларусі з 1 студзеня 2024 года павялічыцца да Br40. Гэта прадугледжана пастановай Савета Міністраў нумар 944 "Аб устанаўленні памеру базавай велічыні", паведамляе БЕЛТА са спасылкай на Нацыянальны прававы інтэрнэт-партал.

Беларускія дыпламаты прынялі ўдзел у канферэнцыі "Эканоміка і гандаль у рамках ініцыятывы "Адзін пояс, адзін шлях" у горадзе Чанчжоу правінцыі Цзянсу. Аб гэтым карэспандэнту БЕЛТА расказалі ў Генеральным консульстве Беларусі ў Шанхаі.

Беларусь і Расія заключылі пагадненне аб праспектах каштоўных папер. Дакумент падпісалі 22 снежня ў Маскве па выніках пасяджэння Групы высокага ўзроўню (ГВУ) Савета Міністраў Саюзнай дзяржавы пасол Беларусі ў Расіі Дзмітрый Крутой, надзелены паўнамоцтвамі намесніка старшыні ўрада, і віцэ-прэм'ера Расіі Аляксей Авярчук, паведамляе карэспандэнт БЕЛТА.