Полацкі раённы выканаўчы камітэт

У рамках беларуска-кітайскага супрацоўніцтва поўнаразмерны 62-кантэйнерны поезд з больш як 1,3 тыс.т тарфяной прадукцыі УП "Віцебскаблгаз" упершыню адправіўся са станцыі "Орша-Усходняя ў Кітай", паведамілі БЕЛТА ў РУП "Белмытнясэрвіс".

Больш за тысячу работнікаў сістэмы адукацыі прынялі ўдзел у абласной педагагічнай канферэнцыі ў Віцебску. Галоўнай яе тэмай стала фарміраванне ў маладога пакалення каштоўнасцей беларускага народа і выхаванне патрыётаў. У рабоце канферэнцыі прынялі ўдзел старшыня Віцебскага аблвыканкама Аляксандр Субоцін, памочнік Прэзідэнта Рэспублікі Беларусь - інспектар па Віцебскай вобласці Ігар Брыло.

24 жніўня адбылося пасяджэнне Віцебскага абласнога выканаўчага камітэта, на якім былі разгледжаны пытанні работы прамысловага комплексу Віцебскай вобласці і ходу нарыхтоўкі травяных кармоў у 2023 годзе.

Сем маладых спецыялістаў напярэдадні навучальнага года папоўнілі рады педагагічнага калектыву віцебскай СШ нумар 46 імя І.Х.Баграмяна. Усе яны выпускнікі ВДУ імя П.М.Машэрава.

Прэзідэнт Беларусі Аляксандр Лукашэнка 22 жніўня сабраў нараду па актуальных пытаннях развіцця Віцебскага рэгіёна.

Міністэрства сувязі і інфарматызацыі выпусціла ў абарачэнне паштовую марку "Гарадок" з серыі "Гарады Беларусі". У дзень выпуску паштовай маркі ў абарачэнне, у Гарадку Віцебскай вобласці адбылося спецыяльнае гашэнне на канверце "Першы дзень". Цырымонія гашэння прайшла з удзелам памочніка Прэзідэнта - інспектара па Віцебскай вобласці Ігара Брыло.

Аб тым, як перасякаць зебру пешаходам і аматарам пракаціцца на самакатах, пра небяспеку гульняў каля дарогі нагадалі юным удзельнікам дарожнага руху супрацоўнікі Дзяржаўтаінспекцыі ў прафілактычным рэйдзе ў Віцебску. Жнівень для вартавых дарог з'яўляецца асабліва напружаным, таму што з летняга адпачынку з вёсак і загарадных лагераў вяртаюцца школьнікі.

16 жніўня памочнік Прэзідэнта - інспектар па Віцебскай вобласці Ігар Брыло правёў прыём грамадзян у Гарадоцкім раённым выканаўчым камітэце.

У самым маладым мікрараёне горада Полацка адбылося ўрачыстае адкрыццё дзіцячага сада "Свет дзяцінства". Новы дзіцячы сад прыме 200 дзяцей ад 2 да 7 гадоў. Трохпавярховы будынак, падобны на казачны замак, знаходзіцца ў самым цэнтры мікрараёна і распрацаваны па праекце, які адпавядае ўсім сучасным патрабаванням і дае дзецям высокі ўзровень камфорту. У дзіцячым садзе прадугледжана 12 груп дзяцей, у тым ліку спецыяльная група для дзяцей з парушэннямі функцый апорна-рухальнага апарату і санаторная група. На тэрыторыі сада размешчана гульнявая зона - гэта 12 індывідуальных групавых пляцовак. На ўрачыстым адкрыцці адбылася цырымонія ўзнагароджвання спецыялістаў, якія прынялі ўдзел у будаўніцтве.

Прэзідэнт НАК Беларусі Віктар Лукашэнка правёў сустрэчу з юнымі балельшчыкамі з Аршанскага раёна, якія актыўна падтрымлівалі айчынных баксёраў на II Гульнях краін СНД. Для балельшчыкаў таксама правялі экскурсію па выставачнай экспазіцыі і расказалі аб асноўных дасягненнях беларускага спорту.