Ажыццяўленне паўнамоцтваў старшыні суда ўскладзена на намесніка старшыні Вярхоўнага Суда Юрыя Кобеца. Усяго ў складзе Апеляцыйнага эканамічнага суда 27 суддзяў, уключаючы старшыню і яго намеснікаў.
Утварэнне Апеляцыйнага эканамічнага суда стала завяршальным этапам судовай рэформы ў Беларусі. Такім чынам, у эканамічным правасуддзі краіны ствараецца паўнацэнная трохзвенная сістэма судоў.
Новы судовы орган пачне работу па разглядзе спраў з 1 студзеня 2026 года. Да гэтага часу плануецца завяршыць усе неабходныя арганізацыйна-штатныя мерапрыемствы.
Як паведамлялася раней, рашэнне аб утварэнні Апеляцыйнага эканамічнага суда прынята кіраўніком дзяржавы ў мэтах рэалізацыі палажэнняў Кодэкса грамадзянскага судаводства, якім прадугледжваецца стварэнне трохзвеннай сістэмы эканамічных судоў.
Такое структурнае пераўтварэнне адбудзецца за кошт раздзялення дзейнасці судоў першай і апеляцыйнай інстанцый, якія цяпер функцыянуюць у рамках аднаго суда. Гэта стане важным крокам у напрамку павышэння эфектыўнасці выканання правасуддзя па эканамічных справах.
Абласныя эканамічныя суды і эканамічны суд горада Мінска будуць выступаць у якасці судоў першай інстанцыі. Апеляцыйны эканамічны суд - у якасці другой, апеляцыйнай, інстанцыі.
Суд плануецца сфарміраваць за кошт існуючай колькасці суддзяў і работнікаў апаратаў іншых судоў. Усяго ў ім будуць працаваць 27 суддзяў, уключаючы старшыню і яго намеснікаў. Будуць утвораны Прэзідыум, апеляцыйная судовая калегія, судовая калегія па разглядзе грамадзянскіх спраў у якасці суда першай інстанцыі і па справах аб адміністрацыйных правапарушэннях.
Да кампетэнцыі Апеляцыйнага суда будуць належаць разгляд грамадзянскіх спраў па эканамічных спрэчках, якія вынікаюць з гаспадарчых праваадносін, а таксама нагляд за дзейнасцю ніжэйшых абласных эканамічных і эканамічнага суда горада Мінска.
