"Беларусь у 2023 годзе паставіла малочныя прадукты ў 59 краін свету. Прывяду некалькі лічбаў у пацвярджэнне якасці нашай малочнай прадукцыі. Калі ўзяць усё малако, якое атрымліваюць у краіне, за 100 працэнтаў, то 60 працэнтаў у выглядзе малочнай прадукцыі ідзе на экспарт. Калі ўзяць сыры, то паўтара - двух месяцаў работы нашай прамысловасці дастаткова, каб забяспечыць унутраны рынак, увесь астатні час - гэта работа на знешні рынак. Калі ўзяць сметанковае масла, то на экспарт ідзе каля 75 працэнтаў. У цэлым малочная прамысловасць займае найбольшую ўдзельную вагу ў экспарце прадукцыі АПК - каля 40 працэнтаў", - сказаў Вадзім Пабядзінскі.
Паводле яго слоў, малочная галіна ў Беларусі высокаразвітая. "Гэта пастаянны працэс, работа на прадпрыемствах ідзе штодзень: гэта і павышэнне кваліфікацыі, і тэхнічнае пераўзбраенне, і тэхналогіі, і свае ноу-хау, распрацоўка новых відаў прадукцыі. Вельмі цесная работа ідзе ў супрацоўніцтве з Нацыянальнай акадэміяй навук, у прыватнасці з Інстытутам мяса-малочнай прамысловасці", - адзначыў начальнік галоўнага ўпраўлення перапрацоўчай прамысловасці.
