У Беларусі на 12 кастрычніка намалочана збожжа з улікам рапсу 8395,9 тыс. т, з іх 7355,1 тыс. т збожжавых і зернебабовых культур (з кукурузай).
Брэсцкая, Гродзенская і Мінская вобласці завяршылі сяўбу азімых збожжавых. Азімыя збожжавыя на зерне пасеяны на 1419,6 тыс. га плошчаў - 92,3 працэнта ад плана.
Уборка кукурузы на зерне вядзецца ва ўсіх абласцях рэспублікі. Убрана 122,2 тыс. га, а намалочана 988,1 тыс. т з ураджайнасцю 80,8 ц/га. Сабрана зялёнай масы кукурузы 19261,0 тыс. т.
Завяршылі ўборку грэчкі Брэсцкая, Гродзенская, Мінская, Гомельская і Магілёўская вобласці: намалочана 51,3 тыс. т з ураджайнасцю 14,5 ц/га.
Таксама вядзецца ўборка цукровых буракоў: накапана 2179,1 тыс. т з ураджайнасцю 456,5 ц/га.
