Ён расказаў, што на сумесным пасяджэнні калегій Дэпартамента па архівах і справаводстве Міністэрства юстыцыі Беларусі і Федэральнага архіўнага агенцтва Расійскай Федэрацыі абмяркоўваўся план дзеянняў на 2023-2025 гады. "У рамках гэтага плана ёсць мерапрыемствы, якія мы гатовы дапоўніць, пашырыць, у тым ліку па святкаванні Перамогі ў 2025 годзе, - адзначыў Алег Воінаў. - Мы ставім задачу нашым экспертам, нашым спецыялістам прапрацаваць і даць нам прапановы аб ступені ўдзелу".
Паводле слоў дырэктара дэпартамента, беларускія архівы будуць прымаць самы актыўны ўдзел у святкаванні 80-й гадавіны Перамогі. "Нам ёсць што паказаць, аб чым расказаць. І аб гэтым павінны ведаць і ў Беларусі, і ў Расійскай Федэрацыі", - падкрэсліў ён.
Алег Воінаў заўважыў, што Беларусь і Расію звязвае і эканамічная, і палітычная агульнасць. Архівы, зразумела, не могуць заставацца ўбаку. "У нас шмат агульнага, ёсць агульная гісторыя, якую мы абавязаны не проста захаваць, але і расказаць маладому пакаленню, усім, хто цікавіцца", - дадаў ён.
Яшчэ адным з важнейшых пытанняў, якое абмяркоўвалася на сумесным пасяджэнні калегій, была пажарная бяспека. Дырэктар дэпартамента адзначыў, што архівы абавязаны захаваць гісторыю, таму не маюць права на памылку, і пытанням пажарнай бяспекі заўсёды ўдзяляецца асаблівая ўвага. "Мы расказалі, як у Беларусі ідзе рэканструкцыя, будаўніцтва новых архіўных устаноў, якія мы выкарыстоўваем формы і спосабы і як прадухіляем гэтыя моманты. Выслухалі нашых расійскіх калег. Гэта ўзбагачае. Сумеснымі намаганнямі мы зможам дасягнуць добрага выніку, а менавіта выканаць адну з самых галоўных задач - забяспечыць захаванасць нашага архіўнага фонду", - падкрэсліў Алег Воінаў.
