Полацкі раённы выканаўчы камітэт

У Міжнародны дзень футбола ў віцебскай ратушы адкрылася выстаўка "Футбол - гульня мільёнаў". Тут прадстаўлена самая вялікая ў Беларусі калекцыя атрыбутыкі гульні нумар 1 у свеце, якую сабрала дырэктар Віцебскага раённага гісторыка-краязнаўчага музея Настасся Пішчулова.

Рэстаўрацыйныя работы ў Спаса-Праабражэнскай царкве Спаса-Ефрасіннеўскага манастыра ў Полацку ідуць у адпаведнасці з графікам, паведаміў журналістам міністр культуры Анатоль Маркевіч у час наведвання манастыра, перадае карэспандэнт БЕЛТА.

У Полацку 11-12 снежня падвядуць вынікі Рэспубліканскага адкрытага конкурсу аматарскіх фільмаў імя Юрыя Тарыча "Я здымаю кіно", паведамілі карэспандэнту БЕЛТА ў аддзеле культуры Полацкага райвыканкама.

Забарона на лоўлю сома звычайнага ў рыбалоўных угоддзях на тэрыторыі Віцебскай вобласці ўстанаўліваецца з 1 лістапада 2020 года па 31 сакавіка 2021 года.

29 кастрычніка ў Віцебску прайшла дыялогавая пляцоўка прадстаўнікоў грамадска-палітычных сіл вобласці на тэму "Шляхі пабудовы грамадзянскай супольнасці, вырашэнне палітычных і эканамічных праблем у Віцебскім рэгіёне".

Мотаспартсмены - блізняты з Оршы Андрэй і Валерый Жывуцкія пабудавалі незвычайны апарат на трох колах, злучыўшы ў адным корпусе матацыкл і кабрыялет. На ажыццяўленне ідэі пайшло каля года. Рабілі кузаў самі, фарбавалі, падбіралі ўсё неабходнае, камплектуючыя куплялі ў Беларусі. У выніку пад капотам эфектнага трайка - надзейны нямецкі шасціцыліндравы рухавік, каробка-аўтамат ад пазадарожніка, пярэднія тармазы ад японскага матацыкла. Асобны гонар - гук. Апаратура ўстаноўлена з катара - яна воданепранікальная, што важна для тэхнікі без даху. Перад пачаткам работ Андрэй і Валерый зрабілі чарцёж, звязаліся са спецыялістамі Аб'яднанага інстытута машынабудавання НАН Беларусі, даведаліся пра ўсе патрабаванні, каб трайк быў дапушчаны да руху на дарогах краіны.

Прэзентацыя выставы "Віцебская акварэль. Чвэрць стагоддзя" пройдзе 28 кастрычніка ў мастацкім музеі абласнога цэнтра. Выстава прымеркавана да 25-годдзя грамадскай арганізацыі "Віцебская акварэль" - супольнасці мастакоў-акварэлістаў, у якую ўваходзілі ў розныя гады каля 30 прадстаўнікоў з Віцебска, Магілёва і Наваполацка, паведамілі БЕЛТА ў мастацкім музеі.

У Полацку знайшлі фрагменты шкляных бранзалетаў, пярсцёнак і іншыя прадметы, як мяркуецца, XII-XIII стагоддзяў. Аб гэтым праінфармаваў у сваім Instagram-акаўнце старшыня Полацкага райвыканкама Ігар Марковіч, паведамляе БЕЛТА.

Ва ўпраўленні Дзяржаўнага камітэта судовых экспертыз па Віцебскай вобласці ўстаноўлена новае кантрольна-вымяральнае абсталяванне для аўтатэхнічных экспертыз і даследаванняў маркіровачных абазначэнняў транспартных сродкаў.

22 кастрычніка на базе Полацкага дзяржаўнага ўніверсітэта прайшла дыялогавая пляцоўка па блоку "Эканоміка".