Пад забаронай знаходзяцца наступныя віды раслін: драўняныя (клён ясенелісты, рабінiя ілжэакацыя); травяністыя (баршчэўнік Сасноўскага, баршчэўнік Мантэгацы, сумнік канадскі, сумнік гіганцкі, каноплі пасяўная, мак снатворны, эхінацыстыс лапастны).
Пералік раслін, забароненых да інтрадукцыі і (або) акліматызацыі, устаноўлены Пастановай Міністэрства прыродных рэсурсаў і аховы навакольнага асяроддзя Рэспублікі Беларусь ад 28.11.2008 №106 «Аб некаторых пытаннях рэгулявання інтрадукцыі і (або) акліматызацыі раслін». Распаўсюджванне і колькасць дадзеных раслін падлягае рэгуляванню, у адпаведнасці з пастановай Савета Міністраў Рэспублікі Беларусь ад 07.12.2016 №1002 «Аб некаторых пытаннях рэгулявання распаўсюджвання і колькасці відаў раслін».
У адпаведнасці з артыкулам 27 Закона Рэспублікі Беларусь «Аб раслінным свеце» ад 14 чэрвеня 2003 г. №205-З карыстальнікі зямельных участкаў або водных аб'ектаў абавязаны не дапускаць правядзення інтрадукцыі і (або) акліматызацыі раслін з парушэннем патрабаванняў заканадаўства Рэспублікі Беларусь.
Тэрытарыяльныя органы Мінпрыроды ўзмоцняць кантроль за недапушчэннем вырошчвання юрыдычнымі асобамі і грамадзянамі раслін, забароненых да інтрадукцыі і (або) акліматызацыі. У выпадку ўстанаўлення фактаў пасадкі і вырошчвання інвазівных відаў раслін дзяржаўнымі інспектарамі па ахове навакольнага асяроддзя будуць прыняты меры рэагавання ў адпаведнасці з дзеючым заканадаўствам.
