У зоне падтаплення апынуліся прыватныя дамы на 2-м завулку Фрунзэ і Правабярэжным, парк ля падножжа Кургана Бессмяротнасці.
Па інфармацыі ГС Полацк 6 красавіка быў зафіксаваны максімальны ўзровень вады – 1118 см. Цяпер – 1078 см. За мінулыя суткі ўзровень знізіўся на 16 см, але пакуль застаецца на небяспечна высокай адзнацы.
Штодня работнікамі Полацкага ГРАНС праводзіцца маніторынг гідралагічнай абстаноўкі і стану спраў з затапленнямі. Жыхарам вёсак Астроўшчынскага сельсавета, якія аказаліся адрэзанымі ад вялікай зямлі, аказваецца дапамога ў дастаўцы прадуктаў і прадметаў асабістай гігіены.
Фота Аксана Шуйская.
