Кожная ўдзельніца дыялогавай пляцоўкі дзялілася сваёй гісторыяй. Абмяркоўваліся дзеючыя меры дзяржаўнай падтрымкі, напрамкі развіцця сямейнай палітыкі. «Гэта ўнікальная магчымасць расказаць пра тое, якія крокі дзяржава прадпрымае ў сферы сямейнай палітыкі, а таксама атрымаць зваротную сувязь», — адзначыла Святлана Адзінцова.
Як звярнула ўвагу начальнік упраўлення па працы, занятасці і сацабароны райвыканкама Святлана Касьянава, у 2023 годзе 118 шматдзетных сем'яў атрымліваюць дзяржаўную адрасную сацыяльную дапамогу, штогод з раённага бюджэту шматдзетным сем'ям аказваецца дапамога да пачатку навучальнага года. Таксама прагучала інфармацыя аб розных мерах дзяржпадтрымкі шматдзетных сем'яў у галіне паляпшэння жыллёвых умоў, аховы здароўя. Кожнае пытанне актыўна абмяркоўвалася, прагучалі важныя прапановы і ініцыятывы.
У Полацкім раёне пражывае 1095 шматдзетных сем'яў, 70 палачанак узнагароджаны ордэнам Маці.
На сустрэчы прысутнічалі шматдзетныя мамы з актыўнай жыццёвай пазіцыяй, якія годна праявілі сябе і ў працоўнай дзейнасці, і ў грамадскім жыцці: Алеся Тачыла, Наталля Дайлідзёнак, Кацярына Сцепаненка, Ганна Волкава, Нона Котава, Святлана Альсевіч. Жанчынам уручаны кветкі і памятныя падарункі.
Фота Віктара Чарняўскага.
