Сярод спікераў спецыялісты Віцебскай абласной арганізацыі БПРКІСТ: Алена Сабірава, старшыня, і Ірына Лебедзева, галоўны бухгалтар.
- Навучанне накіравана на павышэнне эфектыўнасці работы пярвічак і набыццё неабходных ведаў. Мы на рэгулярнай аснове выязджаем на раёны, тлумачым вядзенне справаводства, дапамагаем з дакументацыяй, сустракаемся з людзьмі, — пракаментавала Алена Аляксандраўна.
Навучанне закранала ўсе напрамкі прафсаюзнай дзейнасці: ад асноўных момантаў грамадскага кантролю за выкананнем заканадаўства аб працы, вядзення пратаколаў, афармлення іншых дакументаў да сацыяльнага партнёрства ў арганізацыях культуры, інфармацыі, спорту і турызму.
Ірына Анатольеўна, у сваю чаргу, распавяла аб асноўных нарматыўных прававых актах, якія рэгламентуюць дзейнасць першасных прафсаюзных арганізацый. Больш падрабязна яна спынілася на такіх пытаннях як складанне каштарысаў даходаў і расходаў прафсаюзнага бюджэту, на парадку прымянення стандарту наменклатуры і нарматываў выкарыстання членскіх прафсаюзных узносаў, дакументальнае афармленне матэрыяльнай дапамогі. Асобную ўвагу спікеры надалі пытанню - аб выкананні артыкула каштарысу даходаў і выдаткаў, як турысцка-экскурсійная дзейнасць.
Удзельнікі семінара абмяняліся думкамі па абмяркоўваемых пытаннях, абмеркавалі шляхі рэалізацыі праблемных пытанняў.
У завяршэнні семінара спецыялісты Віцебскай абласной арганізацыі БПРКІСТ больш дэталёва азнаёміліся з працай некалькіх першасных арганізацый.
Фота Надзеі КАЛУЖОНАК.
