Сярод ганаровых гасцей Андрэй Кунцэвіч, першы намеснік міністра інфармацыі.
Справаздачны 2022 год для Беларускага прафсаюза работнікаў культуры, інфармацыі, спорту і турызму быў адзначаны такімі мерапрыемствамі, як удзел у правядзенні рэспубліканскага рэферэндуму па пытанні ўнясення змяненняў і дапаўненняў у Канстытуцыю Беларусі, а таксама накіраванымі на згуртаванне і ўмацаванне адзінства грамадзянскай супольнасці, рэалізацыю ініцыятывы ФПБ «Мы разам – за Беларусь!», захаванне і ўмацаванне гістарычнай памяці, патрыятычнае выхаванне шляхам правядзення маштабнай работы ў працоўных калектывах, абнаўленне музейных экспазіцый, добраўпарадкаванне помнікаў і знакавых месцаў.
На асаблівым кантролі былі пытанні падаўжэння працоўных адносін пры працы па кантракце, афармлення працоўных адносін, перапрацоўцы, звышурочных работах, кампенсацыі за працу ў выхадныя і святочныя дні.
У 2022 годзе асаблівая ўвага надавалася павышэнню кампетэнцый грамадскіх інспектараў па ахове працы.
У завяршэнне пленума да прафактыву звярнуўся намеснік міністра інфармацыі Андрэй Кунцэвіч. Прадстаўнік ведамства адзначыў, што інфармацыйная сфера, якую ён прадстаўляе, сёння працуе ўстойліва, у тым ліку дзякуючы актыўнай рабоце прафсаюзнай арганізацыі.
- Апошнія сацыялагічныя даследаванні паказваюць, што ў 2022 годзе ўзровень даверу да дзяржаўных медыя вырас амаль на 11%. Прыкметна вырасла ў параўнанні з 2021 годзе колькасць гледачоў беларускага тэлебачання. Плюс 16%. Атрымалася значна нарасціць аўдыторыю дзяржаўных СМІ ў сацыяльных сетках і мэсэнджарах. Усе гэтыя факты кажуць пра тое, што ў беларускага гледача і чытача ёсць вялікі запыт на аб'ектыўную і праўдзівую інфармацыю, аўтарскую і аналітычную журналістыку, якая жыва рэагуе на актуальны інфармацыйны парадак дня і эфектыўна процідзейнічае розным фэйкам, – канстатаваў намеснік міністра.
Пасля заканчэння Пленума ўзнагародзілі прафсаюзных актывістаў. Сярод іх палачане. Граматай Цэнтральнага камітэта Беларускага прафсаюза работнікаў культуры, інфармацыі, спорту і турызму ўзнагароджана Надзея Калужонак, карэспандэнт інтэрнэт-рэсурсу ўстановы «Рэдакцыя газеты «Полацкі веснік», старшыня Полацкай раённай арганізацыі галіновага прафсаюза.
