За два дзясяткі гадоў, дзякуючы прафесіяналізму работнікаў, іх адданасці сваёй справе, у прадпрыемства «Залатая ніва» склалася выдатная рэпутацыя. Яго аб'екты гандлю і грамадскага харчавання нязменна карыстаюцца папулярнасцю ў жыхароў розных куткоў Віцебшчыны. Пакупнікі і наведвальнікі ўпэўнены: тут прапануюць лепшае і па даступных цэнах.
Як распавяла намеснік генеральнага дырэктара па кіраванні фірмовым гандлем ААТ «Полацкі малочны камбінат» Святлана Караняк, цяпер «Залатая ніва» — гэта 32 крамы, тры прадпрыемствы грамадскага харчавання, кандытарскі цэх і база адпачынку «Шчаты». У калектыве працуюць больш за 150 чалавек.
- 20 гадоў паспяховай працы - гэта значнае дасягненне для нашай кампаніі, - адзначае Святлана Мікалаеўна. - За гэтыя гады мы шмат зрабілі, пашырылі сваю геаграфію - нашы аб'екты знаходзяцца ў 10 раёнах Віцебскай вобласці. І, галоўнае, мы дасягнулі сваёй мэты - «Залатая ніва» стала лідэрам у сэрцах нашых пакупнікоў. У розных катэгорый грамадства свае перавагі, свой узровень дастатку, таму мы стараемся працаваць для ўсіх без выключэння. Кожны пакупнік, прыйшоўшы ў нашы крамы, павінен мець магчымасць абраць тое, што яму неабходна і даступна. Трэба адзначыць, што ў нашай фірменнай гандлёвай сетцы ў параўнанні з іншымі ніжэйшыя цэны на прадукцыю Полацкага малочнага камбіната, Полацкага камбіната хлебапрадуктаў, Міёрскага мясакамбіната. Запрашаем да нас за пакупкамі!
Святлана Караняк:
— Дарагія работнікі і ветэраны прадпрыемства «Залатая ніва»! Віншую вас з нашым агульным юбілеем. Ад усёй душы жадаю моцнага здароўя і дабрабыту, сямейнага цяпла і новых поспехаў у прафесійнай сферы. Няхай наша гісторыя працягваецца і папаўняецца новымі слаўнымі старонкамі.
Сваімі асноўнымі задачамі Святлана Караняк, прафесіянал з 30-гадовым стажам кіруючай працы ў сферы гандлю, бачыць стварэнне надзейнага кампетэнтнага калектыву, а таксама забеспячэнне эфектыўнай, прыбытковай дзейнасці прадпрыемства. Свой уклад у іх выкананне робіць кожны работнік. Ёсць у камандзе «Залатой нівы» спецыялісты, якія на працягу двух дзесяцігоддзяў застаюцца верныя прадпрыемству. Гэта загадчыцы магазіна Ала Дземідовіч і Ірына Рагімава, загадчык вытворчасці Валянціна Ламакіна, прадаўцы Алена Колач, Валянціна Ратушава, Ірына Шандзер, Галіна Белюсева, Таццяна Крыднер, Ірына Осіпава, Жанна Гой, Ірына Лазун, Жанна Сцёжкіна, Таццяна Табунова і Ірына Зайцава. Ім у першую чаргу Святлана Мікалаеўна адрасуе словы падзякі за добрасумленную працу, майстэрства і адданасць сваёй справе.
Фота Іллі ШВЕЯДКО.
Крыніца:pvestnik.by