Старшыня камісіі, намеснік старшыні Полацкага райвыканкама Святлана Валюшкіна падкрэсліла важнасць выканання рашэння папярэдняга пасяджэння. Паводле інфармацыі старшыні Азінскага сельвыканкама Мікалая Мягчылы, у жылым доме па вул.Кульнёва ў аг.Азіна створаны ўмовы для зімоўкі, жыхарам выдзелена дапамога на куплю дроў.
Разгледжаны факт гібелі на пажары пенсіянеркі з аг.Жарнасекі, і вызначаны варыянты дапамогі яе сыну. Начальнік упраўлення па працы, занятасці і сацабароне райвыканкама Святлана Касьянава праінфармавала аб працы з грамадзянамі, схільнымі да рызыкi ўзнікнення НС, а таксама аб магчымасці размяшчэння маючых патрэбу на зімовы перыяд у сацстановы. Абследавана матэрыяльна-бытавое становішча 1756 грамадзян (168 адзінокіх старэй працаздольнага ўзросту, 46 адзінокіх інвалідаў I і II групы, 503 самотна пражываючых пажылых і самотна пражываючых інвалідаў, 4 найбольш схільных рызыцы ўзнікнення НС, 150 вядучых асацыяльны лад жыцця, 89 шматдзетных сем'яў), з якіх 960 наведаны 79 назіральнымі камісіямі. 4 грамадзянам аказана дапамога ў рамонце печаў, ініцыявана жыццеўладкаванне 6 чалавек у дом-інтэрнат, 6 недзеяздольным грамадзянам прызначаныя апекуны. ТЦСАН прынята на абслугоўванне 72 непрацаздольных, 21 грамадзянін забяспечаны АПА.
58 дзецям пенсіянераў, якія пражываюць у Полацку і Полацкім раёне, накіраваны лісты з рэкамендацыямі стварыць бяспечныя ўмовы пражывання іх бацькам.
Першы намеснік начальніка Полацкага ГРАНС Яўген Пацалуёнак далажыў аб прафілактычнай рабоце ў Гаранскім, Баравухскім і Ветрынскім сельсаветах, дзе абследавана больш за 800 домаўладанняў грамадзян. Вызначаны адрасы для кантролю з боку ўсіх суб'ектаў прафілактыкі: інтэрнат па вул.Свярдлова, 21, і жылыя дамы №№15, 17 па вул.6-й Гв.Арміі. Працягваюцца наведванні дома інвалідаў, шматдзетных сем'яў з мэтай ацэнкі іх бяспечнай жыццядзейнасці.
Супрацоўнікамі Полацкага РАУС і ЖЭС-2 КУП «ЖКГ г.Полацка» праведзена прафілактычная праца з жыхарамі дома №8 па пр.Міру ў Полацку. У выніку значна знізілася сума запазычанасці жыхароў дома за камунальныя паслугі.
Фота з архіва Экімманскага сельсавета.
Крыніца: pvestnik.by
