«Яшчэ раз падкрэсліваю: нам няма неабходнасці аб'яўляць мабілізацыю. На шчасце, вайны на тэрыторыі Беларусі няма», — запэўніў беларускі лідар.
Тым не менш Беларусь надае важную ўвагу пытанню мадэрнізацыі і развіцця Узброеных Сіл, сілавых структур, прыстасоўваючы іх пад рэаліі сучасных ваенных канфліктаў. «Робім адпаведныя высновы і здабываем урокі з тых войнаў і канфліктаў, якія адбываліся і адбываюцца на планеце», — адзначыў Аляксандр Лукашэнка.
Гэта ж тычыцца і работы з рэзервам, аднак размовы аб мабілізацыі ў Беларусі кіраўнік дзяржавы назваў фальшыўкай.
«Папярэджваю вайскоўцаў, асабліва праз вас ваенкаматы. Як толькі ў Расiі абвясцілі мабілізацыю, мы бачым, якія там недахопы. Не будзем залазіць у істоту пытання - гэта справа Расійскай Федэрацыі, як праводзіць мабілізацыю. Але калі разаслалі павесткі, некаторых людзей на месцы не аказалася ў Расiі. Хтосцi памёр, хтосцi збег, хтосцi хворы незразумела якi і гэтак далей. Гэта для нас урок, — адзначыў кіраўнік дзяржавы. — Таму праз ваенкаматы мы правяралі і будзем правяраць ваеннаабавязаны склад, усіх ваеннаабавязаных, якія лічацца ў нас у запасе. Трэба ў кожным раёне без усякага гвалту, без шуму. Тое, што я вам і даручаў. Скончыцца ўборачная кампанія, акуратненька трэба заклікаць у раёне людзей, паглядзець іх наяўнасць і ўдакладніць усе нашы матэрыялы, спісы і дакументы ў ваенкаматах».
«Яшчэ раз падкрэсліваю: хтосцi хворы, хтосцi кульгавы, хтосцi памёр, хтосцi з'ехаў... Розныя могуць быць сітуацыі. І мы павінны бачыць, што мы маем на сённяшні дзень. Гэта ніякага дачынення да мабілізацыі не мае. Мы заўсёды гэта рабілі», - акцэнтаваў увагу беларускі лідар.
І яшчэ адзін урок мабілізацыі ў Расіі заключаецца ў падрыхтоўцы людзей да абароны сваёй зямлі і сем'яў, калі будзе такая неабходнасць. «Так, правялі ў Расiі мабілізацыю, так, заклікалі людзей. Але многія з іх забыліся, што такая зброя. Таму рэзервістаў, нашы войскі тэрытарыяльнай абароны мы пастаянна навучалі і будзем навучаць. Яшчэ раз хачу падкрэсліць свой тэзіс: кожны, хто павінен і можа трымаць зброю ў руках у Беларусі, павінен умець ёй карыстацца. Хаця б элементарным. Гэта тычыцца і жанчын, і мужыкоў. Яны павінны асвоіць хоць бы стралковую зброю для таго, каб абараніць, не дай бог здарыцца што, сваю сям'ю», — падкрэсліў Аляксандр Лукашэнка.
Ён заявіў, што мэта Узброеных Сіл Беларусі і сілавікоў — абараніць сваю зямлю і дзяржаву. «Усе. Ніякіх іншых мэт мы сёння не ставім. А да вайны рыхтуемся, таму што ўсякае можа быць, — сказаў Прэзідэнт. - Таму вучыцца, вучыцца і яшчэ раз вучыцца. І перш за ўсё вучыцца вайсковай справе сапраўдным чынам. Такія лозунгі ў нас заўсёды былі. Вось мы і будзем вучыцца».
Прэзідэнт заклікаў у гэтым плане не звяртаць увагі на тое, што скажуць у гэтай сувязі «Ах, мы там пачалі праверку ў нейкім ваенкамаце нашых рэзервістаў ... правяралі і будзем правяраць! Але гэта не для таго, каб іх кудысці накіроўваць кагосці забіваць. Я не апраўдваюся, але я хачу, каб вы гэта разумелі. У той жа час, калі не дай бог што здарыцца, мы бегчы за мяжу не будзем. Мы будзем абараняць свой дом і сваю зямлю».
Крыніца: pvestnik.by
