На пасяджэнні сельвыканкама разгледзелі пытанне «Аб ходзе рэалізацыі Дэкрэта Прэзідэнта Рэспублікі Беларусь ад 24 лістапада 2006 г. № 18 «Аб дадатковых мерах па дзяржаўнай абароне дзяцей у нядобранадзейных сем'ях» на тэрыторыі сельсавета». Разам са Святланай Адзінцовай удзел у пасяджэнні прыняў старшыня Полацкага раённага Савета дэпутатаў Іосіф Грыбовіч.
Актывізавана праца з нядобранадзейнымі сем'ямі савета грамадскага пункта аховы правапарадку. На ўліку ў сельвыканкаме знаходзяцца 7 абавязаных асоб, якія павінны пакрываць дзяржаве выдаткі на ўтрыманне дзяцей. У філіяле «Вясна-энерга» працуе 4 чалавекі, на Полацкай птушкафабрыцы — 1, яшчэ 2 абавязаныя асобы працаўладкаваны ў іншыя арганізацыі.
На прадпрыемствах, размешчаных на падведамнай тэрыторыі, праводзіцца праца з абавязанымі асобамі. За імі замацаваны адказныя, вядзецца штодзённы кантроль наведвання працоўных месцаў. Ім прадастаўлены працоўныя месцы, аднак не ўсе з поўнай адказнасцю адносяцца да работы і кампенсацыі затрат на ўтрыманне дзяцей.
З інфармацыяй па пытанні парадку дня выступіла старшыня сельвыканкама Таццяна Скрыган. Так, на сёння на тэрыторыі сельсавета ўлічана 332 дзіцяці да 18 гадоў. З іх 89 дзяцей з 26 шматдзетных сем'яў, 4 дзяцей і 2 сем'і знаходзяцца ў сацыяльна небяспечным становішчы.
У сельвыканкаме замацавана жыллё за ўсімі дзецьмі, якія засталіся без апекі бацькоў. На чарзе на паляпшэнне жыллёвых умоў стаіць 18 чалавек гэтай катэгорыі.
Святлана Адзінцова падкрэсліла, што Кіраўнік дзяржавы Аляксандр Лукашэнка ўдзяляе самую пільную ўвагу гэтаму пытанню, таму што Дэкрэт накіраваны на абарону інтарэсаў нашых дзяцей. Яго разгляд асабліва актуальны менавіта сёння, у пачатку новага навучальнага года.
Пры сельвыканкаме створана рабочая група з мэтай абследавання няўдалых сем'яў. За сем'ямі, якія знаходзяцца ў СНС, устаноўлены пастаянны кантроль, складаюцца акты абследавання. Пры выяўленні ў гэтых сем'ях пагаршэння абстаноўкі неадкладна робіцца паведамленне ў органы апекі і аховы правоў дзяцінства для прыняцця неадкладных мер.
Пасля разгляду асноўнага пытання парадку дня Святлана Уладзіміраўна асвятліла заканатворчую дзейнасць Палаты прадстаўнікоў па прывядзенні заканадаўчай базы ў адпаведнасці з Асноўным законам краіны.
Прысутных цікавілі навацыі Кодэкса аб зямлі, праца садоўніцкіх таварыстваў. Пасля пасяджэння ахвочыя звярнуліся да Святланы Уладзіміраўны па асабістых пытаннях, атрымалі тлумачэнні і рэкамендацыі.
Фота з афіцыйнага сайта парламентарыя.
Крыніца: pvestnik.by
