Мерапрыемствы фестывалю будуць праходзіць у Полацкім дзяржаўным універсітэце, Полацкім гарадскім Палацы культуры, на плошчы Свабоды і прылеглай да яе тэрыторыі. Уваход на ўсе пляцоўкі - бясплатны пры ўмове наяўнасці ў гасцей добрага настрою.
У пятніцу, 12 жніўня
Пачнуцца «Вытокі» з прэс-тура «Гісторыка-культурная спадчына Полацкай зямлі» для прадстаўнікоў рэспубліканскіх і рэгіянальных СМІ. Яго праграма складзена такім чынам, каб з дапамогай знаёмства з нядаўна распрацаванымі маршрутамі, аб'ектамі вытворчага турызму старажытны Полацк паўстаў перад журналістамі абноўленым і беражліва зберага.xsv традыцыі.
У ПДУ ў 15.00 пройдзе семінар у фармаце круглага стала «Актуальныя пытанні падрыхтоўкі спартсменаў і шляхі іх вырашэння» з удзелам спецыялістаў БДУФК і Вышэйшай школы трэнераў, работнікаў спартыўных арганізацый Віцебскай вобласці. У гэты ж час таксама ў ПДУ семінар-практыкум арганізуе Беларуская алімпійская акадэмія. Яго ўдзельнікі пазнаёмяцца з алімпійскімі каштоўнасцямі і дасягненнямі беларускіх атлетаў на галоўных стартах чатырохгоддзя.
У гарадскім Палацы культуры ў 16.00 і 18.00 пройдуць майстар-класы па набойцы на тэму «Маляванка. Вытокі самабытнага мастацтва». Ахвочыя пазнаёмяцца з творчасцю майстроў гэтага віду дэкаратыўна-прыкладнога мастацтва Беларусі, а таксама створаць памятны сувенір самі. У 20.00 у ГДК адбудзецца канцэрт-пагружэнне. Арганная музыка розных эпох і стыляў у выкананні арганіста Валерыя Шмата нікога не пакіне абыякавым. Браніраванне месцаў па тэлефоне 46-23-62.
У суботу, 13 жніўня
Цэнтральным месцам фестывалю 13 жніўня стане плошча Свабоды. Усе ахвочыя змогуць паўдзельнічаць у Алімпійскім квэсце, паспрабаваўшы сябе ў розных відах спорту. Дзеці да 14 гадоў, якія выканалі 15 заданняў, атрымаюць адзнакі-пячаткi, а за іх - каштоўныя прызы. Час для ўдзелу ў квэсце - з 13.00 да 17.00.
Каля плошчы Свабоды размесцяцца спартыўныя пляцоўкі па боксе, веласпорце, валейболе, баскетболе, лёгкай атлетыцы, каратэ, кікбоксінгу, хакеі з шайбай, пажарна-выратавальным спорце, футболе, тэнісе, настольным тэнісе, гандболе. Удзельнікам квэста варта надаць больш увагі спартыўнаму арыентаванню. У маршрут квэста будуць уваходзіць пляцоўкі Беларускай алімпійскай акадэміі, РНПЦ спорту і Нацыянальнага антыдопінгавага агенцтва.
Для гасцей фестывалю з 11.00 будуць працаваць фуд-корт, зона сямейнага адпачынку і выстава-продаж «Беларускія брэнды».
У раёне плошчы Свабоды з 13.00 пачнуцца мерапрыемствы рэгіянальнага алімпійскага дня. Гледачоў парадуюць канцэрт маладых артыстаў беларускай эстрады, рэспубліканскі турнір па брэйк-дансу. Завершыцца тэматычны дзень розыгрышам галоўнага прыза Алімпійскага квэста.
На «Вытоках» упершыню будуць прадстаўлены лакацыі расійскіх гарадоў-пабрацімаў Полацка: Вялікага Ноўгарада, Вялікіх Лук, а хлопцы з Себежа і Пскова прымуць удзел у Алімпійскім квэсце.
Вячэрняя праграма
У суботу ў 17.00 адбудзецца прэзентацыя калекцый адзення праекту «Роднае-моднае» ад беларускіх прадпрыемстваў, дызайнераў і прадпрымальнікаў.
На галоўнай сцэне фестывалю ў 18.00 пачнецца вакальны конкурс маладых выканаўцаў «Вытокі» (Віцебская вобласць).
Фестывальную праграму ў 20.00 працягне канцэртна-забаўляльная праграма з удзелам папулярных артыстаў беларускай эстрады, а завершыцца свята яркім феерверкам у 23.00.
Міністэрства па надзвычайных сітуацыях арганізоўвае сваю лакацыю. Таксама можна будзе зрабіць сэлфі на фоне гоначнага грузавіка каманды «МАЗ-СПОРТаўта».
Крыніца: pvestnik.by
