БПМ у сярэднім на душу насельніцтва ўстаноўлены ў памеры Br328,50 (з 1 мая па 31 ліпеня 2022 г. - Br311,15).
Па асноўных сацыяльна-дэмаграфічных групах зацверджаны наступныя памеры БПМ:
- працаздольнае насельніцтва - Br366,23 (раней - Br347,20);
- пенсіянеры - Br247,21 (раней - Br232,30);
- дзеці ва ўзросце да трох гадоў - Br204,80 (раней - Br194,36);
- дзеці ва ўзросце ад трох да шасці гадоў - Br284,60 (раней - Br270,8);
- дзеці ва ўзросце ад шасці да васемнаццаці гадоў - Br350,06 (раней - Br330,26).
Пры гэтым прапарцыйна росту БПМ зменяцца і памеры:
- дзяржаўных дапамог сем'ям, якія выхоўваюць дзяцей;
- сацыяльных пенсій;
- павышэнняў да пенсій, якія прадугледжаны для асобных катэгорый пенсіянераў;
- даплат і надбавак пенсіянерам ва ўзросце 75 гадоў і старэйшым, якія атрымліваюць пенсіі ў органах па працы, занятасці і сацыяльнай абароне;
- дапамог па догляду інваліда I групы або асобы, якая дасягнула 80-гадовага ўзросту.
«Гэтыя выплаты павялічыліся суразмерна росту БПМ на 5,6 %», – адзначылі ў прэс-службе Мінпрацы і сацабароны.
У прыватнасці, паводле інфармацыі ведамства, з 1 жніўня аднаразовая дапамога ў сувязі з нараджэннем дзіцяці складзе:
- пры нараджэнні першага дзіцяці – Br3 285 (+Br173,5);
- пры нараджэнні другога і наступных дзяцей - Br4 599 руб. (+Br243).
Фота з інтэрнэт-крыніцы.
Крыніца: pvestnik.by
