Полацкія пагранічнiкі спынілі спробу правозу траўматычнага пісталета

01.08.2022

29-га ліпеня ў аўтадарожным пункце пропуску Грыгароўшчына на беларуска-латвійскай мяжы полацкімі пагранічнiкамі падчас агляду легкавога аўтамабіля Мэрсэдэс, які рухаўся на ўезд у Рэспубліку Беларусь, у пальчаткавай скрыні быў знойдзены траўматычны пісталет.

Аўтамабілем кіраваў грамадзянін Латвіі 1976 г.н.

Пісталет канфіскаваны, перададзены супрацоўнікам мытні, праводзіцца разбор.

З пачатку 2022 года на ўчастку адказнасці Полацкага пагранічнага атрада затрымана 5 адзінак зброі і 260 адзінак боепрыпасаў, таварна-матэрыяльных каштоўнасцей у 22 выпадках на агульную суму 10875 беларускіх рублёў.

Афіцыйны прадстаўнік Полацкага пагранічнага атрада

падпалкоўнік Дзяніс Глябко.

Крыніца: pvestnik.by