— У мінулым годзе наша прадукцыя адгружалася на рынкі 47 краін.
У 2022-м сітуацыя, вядома, крыху змянілася. Але паколькі ААТ «ПШВ» не ўпершыню сутыкаецца з эканамічнымі санкцыямі, мы ўжо маем уяўленне, як дзейнічаць у падобнай сітуацыі. Нагадаю: у другой палове 2000-х урад ЗША увёў абмежавальныя меры ў дачыненні да шэрагу беларускіх прадпрыемстваў, у тым ліку адкрытае акцыянернае таварыства «Полацк-Шкловалакно», і працэсы існуючага плённага супрацоўніцтва былі замарожаны. Аднак наўзамен мы атрымалі нешта больш каштоўнае - вопыт, які паказаў, што галоўнае ў такіх умовах - мець шырокую геаграфію паставак і трывалыя адносіны з надзейнымі дзелавымі партнёрамі, - адзначыў Юрый Касьянаў.
—Калі з другога паўгоддзя 2021 года ўрад ЗША адклікаў генеральную ліцэнзію, якая дазваляла амерыканскім фізічным і юрыдычным асобам уступаць у пэўныя транзакцыі з дзевяццю раней падвергнутымі санкцыям беларускімі дзяржаўнымі прадпрыемствамі, ААТ «ПШВ» было вымушана сысці з рынкаў Штатаў і Канады. Гэта прывяло да пераарыентацыі экспартных вектараў. Такім чынам мы істотна нарасцілі пастаўкі прадукцыі ў краіны «далёкай дугі».У прыватнасці, у 2021 годзе экспарт прадукцыі ў Пакістан вырас больш чым у тры разы, у Індыю - у шэсць разоў.
— Па якіх напрамках праводзіцца дыверсіфікацыя рынкаў зараз?
— У цяперашніх умовах задача па дыверсіфікацыі экспарту ўскладнілася, але мы гатовы яе вырашаць за кошт нарошчвання паставак прадукцыі на традыцыйны рынак Расійскай Федэрацыі, а таксама пашырэння супрацоўніцтва з краінамі Сярэдняй Азіі— Узбекістанам і Казахстанам, Каўказа, у тым ліку з Азербайджанам, а таксама Паўднёва-Усходняй Азіі. Асаблівую ўвагу ўдзяляем рынку Кітая, дастаткова ёмістаму ў частцы высокатэмпературнай крэмнезёмнай прадукцыі і электраізаляцыйных шклотканін, якія прымяняюцца для вытворчасці друкаваных плат. На сёння ўжо дасягнуты пагадненні з шэрагам кампаній з КНР па правядзенні прамысловых выпрабаванняў нашых навінак.
Але мы канцэнтруем намаганні не толькі на дыверсіфікацыі па геаграфічнай прыкмеце, але і на пашырэнні базы выпускаемых асартыментаў, прасоўваючы на рынкі такія прадукты, як шклоровінг для тэхналогіі Spray Up, шклоровінг для тэхналогіі D-LFT, новыя тыпы шклосетак і гэтак далей.
Фота belchemoil.by.
Крыніца: pvestnik.by
