– Горад майстроў размесціцца на вуліцах Талстога і Пушкіна, а таксама на пляцоўцы каля цэнтральнай лесвіцы, якая вядзе да Успенскага сабора. Тут будуць прадстаўлены ўнікальныя рамёствы і промыслы, у прыватнасці дагестанскія вырабы з срэбра, нацыянальная чаканка, жаночыя ўпрыгажэнні. З Ніжняга Ноўгарада прывязуць вырабы з дрэва, якія маюць гаючыя ўласцівасці. Збіраюцца на «базар» майстры з Масквы, Тальяці, Вялікага Ноўгарада, Пскова, Варонежа, Курска, Кабардзіна-Балкарыі, – падзялілася Кацярына Лабука.
У рамках фестывалю пройдзе пяць конкурсаў, тры міжнародных і два адкрытых. Пяты раз будуць спаборнічаць у мастацтве барабаншчыцы і мажарэткі, упершыню – майстры традыцыйнага ткацтва.
«Палатняныя пераплеты» – так называецца конкурс, у якім прымуць удзел больш за 40 ткачоў з Беларусі і Расіі. Яны будуць працаваць на станках, якія ўсталююць на вуліцы.
Цікавым абяцае стаць свята нацыянальнага народнага касцюма «Сцяжкі майстэрства», дзе будуць прадстаўлены вясельныя ўборы кожнага рэгіёну.
- Прыедуць на «Славянскі базар» і кавалі. Дзесяць майстроў кавання з Віцебшчыны, іншых абласцей і Расіі. Яны аб'яднаюцца ў кавальскае братэрства і замацуюць яго адмысловымі аўтарскімі пячаткамі. Думаю, праца кавальскага цэха будзе вельмі відовішчнай і прыцягне ўвагу гасцей форуму. Конкурс пройдзе па чатырох намінацыях, адна з іх – выраб Васілька, які затым размесцяць на нарыхтоўцы ў выглядзе сцяблінак, і ў выніку атрымаецца букет з выкаваных кветак-сімвалаў фестывалю. Можа, гэта свята дасць штуршок адраджэнню старадаўняга рамяства, кавальскай справы як мастацтва, - разважае Кацярына Лабука.
Не пакінуць нікога абыякавым конкурс народнай музыкі і прыпеўкі, а таксама турнір нацыянальных танцаў. На плошчу Свабоды выйдзе каля ста пар і ўсё абавязкова станцуюць фірмовы «Базар», стануць у карагод дружбы. Адметнасцю турніру стане выступленне мінчан, якія навучаюцца ў школе майстэрства на аснове танцаў вядомага віцебскага харэографа, стваральніка ансамбля «Маладосць» Івана Серыкава.
На працягу чатырох дзён будзе праходзіць прэзентацыя брэндавых пляцовак усіх рэгіёнаў Віцебшчыны і абласцей Беларусі - «Гонар нацыі».
Фота БЕЛТА.
Крыніца: pvestnik.by
