16 ліпеня на вуліцы Талстога Полацкі раённы Цэнтр культуры ў рамках Віцебскага міжнароднага свята-конкурсу кавальскага майстэрства «Знiч» прэзентуе тэматычную пляцоўку. Народны тэатр мініяцюр «Веснік» з аг. Зялёнка і народны фальклорны ансамбль «Блізнянка» філіяла «Сільніцкі СДК» запросяць гасцей на інтэрактыўныя экспазіцыі «Ад сахі ды каравая» і «Бабін кут». Наведвальнікі змогуць не толькі ацаніць выставу бытавога начыння, якое ў былыя часы выкарыстоўвалі нашы продкі, але і прадэгуставаць хатні хлеб і бярозавы квас.
У гэты ж дзень на плошчы Свабоды дзве танцавальныя пары, якія прадстаўляюць народны фальклорны ансамбль «Галасы спадчыны» філіяла «Багатырскі СДК», прымуць удзел у ІХ Міжнародным турніры нацыянальных танцаў «Танчым разам» .
17 ліпеня ва ўнутраным дворыку Краязнаўчага музея народны тэатр гульні «Грыбны сезон» прыме ўдзел у праекце «Лялечны дворык» з гульнявой праграмай «Шукальнікі прыгод».
Прыязджайце ў фестывальны Віцебск і падтрымайце землякоў!
Фота з архіву Полацкага РЦК.
Крыніца: pvestnik.by
