Студэнцкі атрад «Дойліды» ўжо прыбыў у Рэспубліку Саха і прыступае да працы. Яны да канца лета застануцца на міжнароднай студэнцкай будоўлі «Поўнач» у Якуціі на Чаяндзінскім нафтагазакандэнсатным радовішчы. 15 падрыхтаваных хлопчыкаў і дзяўчынак будуць дапамагаць з укладкай тратуарных пліт, бардзюрнага каменя, бетоннымі работамі, добраўпарадкаваннем тэрыторый радовішча.
Атрад «Эўрыка», які складаецца з 20 чалавек, адправіўся ў Амурскую вобласць на касмадром «Усходні». Трэцi паедзе ў летнюю камандзіроўку ў Кемерава на міжнародную студэнцкую будоўлю «Кузбас».
Туды ў бліжэйшы час выязджаюць 13 студэнтаў універсітэта.
Летась на «Кузбасе» студатрад «Дойліды» стаў лепшым па выніках працы і атрымаў сцяг міжнароднай студэнцкай будоўлі.
На здымках: студэнцкі атрад «Дойліды»; атрад «Эўрыка». Фота ПДУ.
Крыніца: pvestnik.by
