23 чэрвеня актывісты з ліку працуючай моладзі адправяцца ў падарожжа на байдарках па Заходняй Дзвіне. Гэты традыцыйны водны паход раней праходзіў па больш дробных рэках, а сёлета арганізатары вырашылі пашырыць фармат і даць магчымасць удзельнікам сплаву адчуць характар галоўнай воднай артэрыі вобласці. Моладзь будзе суправаджаць гід, які правядзе па ходзе руху экскурсію. Ён раскрые цікавыя факты аб аб'ектах, якія знаходзяцца на абодвух берагах Заходняй Дзвіны - храмах, музеях, парках, мастах, вуліцах, помніках, малых архітэктурных формах.
Акрамя таго, пройдзе Дзень валанцёра, працоўныя акцыі. А ў нядзелю, у Дзень моладзі, на Кургане Неўміручасці адбудзецца святочнае мерапрыемства. Тут можна будзе і патанчыць, і пагутарыць, і зладзіць пікнік.
Фота з архіва Полацкага РК ГА
Крыніца: pvestnik.by
