Лёгкая прамысловасць — важны складнік індустрыяльнага патэнцыялу Рэспублікі Беларусь, сфера, якая заклікана задавальняць разнастайныя паўсядзённыя і жыццёва неабходныя запатрабаванні насельніцтва.
На прадпрыемствах лёгкай прамысловасці ў г.Полацку і Полацкім раёне актыўна праводзіцца мадэрнізацыя вытворчасці, укараняюцца перадавыя тэхналогіі і сучасныя метады кіравання.
Сёння перад вамі стаяць важнейшыя задачы - узмацненне працы па прасоўванні на рынак высокаэфектыўных і інвестыцыйна прывабных праектаў, павелічэнне аб'ёмаў вытворчасці і пашырэнне асартыменту беларускай прадукцыі ў адпаведнасці з патрэбамі пакупнікоў, асваенне новых рынкаў збыту.
Дзякуем работнікам і ветэранам галіны за прафесіяналізм, творчы падыход да справы, добрасумленную працу. Жадаем моцнага здароўя, шчасця і дабрабыту!
І.І.Марковіч,
старшыня Полацкага райвыканкама.
І.Ф.Грыбовіч ,
старшыня Полацкага райсавета дэпутатаў.
Лёгкая прамысловасць — вядучая галіна народнай гаспадаркі Беларусі, магутны вытворчы патэнцыял, які задавальняе запатрабаванні грамадства ў таварах народнага спажывання і прамысловага прызначэння.
Высокая канкурэнцыя і неабходнасць адпавядаць спажывецкім запытам патрабуюць укаранення новых тэхналогій, мадэрнізацыі вытворчасцей і пашырэння асартыменту тавараў. У сучасных умовах работнікі галіны Полаччыны працягваюць творчы пошук, павышаюць якасць і пашыраюць асартымент тавараў. Вы — майстры сваёй справы, якія захоўваюць працоўныя традыцыі папярэдніх пакаленняў.
Асаблівая падзяка ветэранам за адданасць прафесіі, вопыт, які вы перадаеце маладому пакаленню.
Жадаем вам моцнага здароўя, міру, дабра і дабрабыту! Няхай поспех спадарожнічае ў рэалізацыі ўсіх намечаных планаў, а прафесійная дзейнасць прыносіць радасць і задавальненне.
С.В.Адзінцова, Н.М.Шаўчук,
дэпутаты Палаты прадстаўнікоў
Нацыянальнага сходу Рэспублікі Беларусь.
Крыніца: pvestnik.by
Фота з інтэрнэт-крыніцы.