Для моладзі правялі азнаямленчую экскурсію, дзе распавялі пра таямніцы і загадкi возера Лосвіда, на беразе якога размешчаны аздараўленчы комплекс. Затым камандзіры аператыўных раённых штабоў студатрадаў заклалі фруктовы «Сад надзеі». Пасля працоўнай акцыі ў знак падзякі за мірнае неба над галавой маладыя людзі ўсклалі ля размешчанага ў найбліжэйшай вёсцы Пруднікі помніка землякам, якія загінулі ў гады Вялікай Айчыннай вайны, белыя папяровыя караблікі.
На ўрачыстай цырымоніі адкрыцця студатрадаўцам уручылі пуцёўкі ў трэці працоўны семестр. Усяго сёлета ў Віцебскай вобласці летам плануюць працаўладкаваць больш за 5 тыс. чалавек з ліку навучэнскай моладзі.
А сёння ўвечары удзельнікаў свята чакаюць інтэрактыўныя гульні.
Другі дзень абласнога ўрачыстага адкрыцця пачнецца з бадзёрай зарадкі. Затым будуць падведзены вынікі мерапрыемства, арганізатарамі якога выступаюць абкам БРСМ і галоўнае ўпраўленне ідэалагічнай работы і па справах моладзі аблвыканкама.
Крыніца: pvestnik.by
