Яна сустрэлася з навучэнцамі 10-га класа. Акцэнт у выступе дэпутата быў зроблены на раскрыцці тэмы праз прызму змяненняў і дапаўненняў абноўленай Канстытуцыі Рэспублікі Беларусь. Дэпутат спынілася на пытаннях захавання гістарычнай праўды і памяці, сацыяльнай адказнасці, рэалізацыі патэнцыялу моладзі і яе эфектыўнага ўдзелу ў грамадскім жыцці краіны і іншых.
Дырэктар школы Канстанцін Шухлеў падзякаваў Святлане Уладзіміраўне за ўдзел у мерапрыемстве і запрасіў хлопцаў выкарыстоўваць унікальную магчымасць асабіста пагутарыць з дэпутатам.
Школьнікаў цікавіў шырокі спектр пытанняў: у чым заключаецца дзейнасць дэпутата, як распрацоўваюцца законы, ёсць лі ў Палаце прадстаўнікоў моладзь, якія пытанні ўзнімаюць выбаршчыкі акругі і як яны вырашаюцца.
У завяршэнне сустрэчы С. У. Адзінцова падзякавала хлопцам за актыўнасць, пажадала ім у будучыні зрабіць правільны прафесійны выбар і заўсёды памятаць сваіх настаўнікаў.
