Анатоль Канстанцінавіч даволі часта наведвае з працоўнымі паездкамі наш рэгіён. Жыхары горада і раёна маюць магчымасць звярнуцца на месцах да памочніка Кіраўніка дзяржавы. Таму падчас прамой лініі свае пытанні па тэлефоне задалі толькі двое грамадзян.
Старэйшына в. Дрэтунь Надзея Фашчава звярнулася па даручэнні мясцовых жыхароў, якія выказваюць заўвагі наконт чыгуначных зносін з Полацкам. Анатоль Ліневіч выказаў упэўненасць у станоўчым вырашэнні пытання, даўшы ўказанні адпаведным службам адпрацаваць усе варыянты.
Не засталася без увагі і работа лесагаспадарчай галіны. Жыхарку Наваполацка хвалявала праблема аднаўлення ляснога фонду. Памочнік Прэзідэнта падчас тэлефоннай размовы растлумачыў планавы характар рубкі лясоў, якая праводзіцца ў строгай адпаведнасці з даведзеным заданнем, а таксама звярнуў увагу на тое, што кожны год аднаўляецца даволі вялікі аб'ём лесфонду. «Падстаў для турботы няма, - падкрэсліў Анатоль Ліневіч. — А тое, што грамадзяне неабыякавы да гэтага пытання, кажа пра беражлівыя адносіны да навакольнага асяроддзя».
Падчас рабочага візіту ў Полацкі раён памочнік Прэзідэнта - інспектар па Віцебскай вобласці Анатоль Ліневіч правёў нараду з рэзервам кадраў на кіруючыя пасады рэгіёну, а таксама сустрэўся з калектывам філіяла «Полацкводаканал», азнаёміўся з працай прадпрыемства.
Звярнуцца па дапамогу
Падчас прыёму грамадзян свае пытанні агучылі 6 чалавек. Большасць з іх датычылася сферы ЖКГ: капрамонту жылля, работы сістэмы вентыляцыі, навядзення парадку. Таксама ўзнімалася тэма далейшага развіцця э/б «Вятрынскай». Кіраўніцтва Полацкага раёна ў курсе праблем, ужо праводзілася іх вывучэнне і дадзены тлумачэнні па рашэнні ў рамках дзейнiчаючага заканадаўства.
А.К.Ліневіч: «Па выніках працы ў рэгіёне бачны перспектывы, вялікая роля ў гэтым належыць прынятаму Комплексу мер па развіццю Полацкага раёна да 2025 года. Адзначу таксама рэзультатыўнасць работы мясцовай улады з насельніцтвам - многія пытанні вырашаюцца аператыўна. Імпануе актыўная грамадзянская пазіцыя жыхароў, якія ўзнімаюць грамадска значныя пытанні. Людзі вельмі ўважлівыя да таго, што адбываецца навокал, і самі падказваюць шляхі вырашэння той ці іншай праблемы. Задача мясцовых органаў улады - аказаць дапамогу і садзейнічанне».
Па выніку звароту на прыём да памочніка Прэзідэнта ніводнае пытанне не пакінута без увагі, па асобных з іх на месцы дадзены адказы, па іншых — даручэнні кіраўнікам датычных служб прыняць усе меры для вырашэння праблемных пытанняў.
