І мы пачынаем падрыхтоўку да гэтага выдатнага юбілею. Планаў і ідэй шмат! І галоўнае, каб кожны знайшоў для сябе нешта даспадобы. Давайце разам зробім свята роднага горада яркім і незабыўным! Калі ў вас ёсць ідэі і прапановы ці вы хочаце прыняць удзел у падрыхтоўцы і правядзенні святочных мерапрыемстваў - ёсць рэальная магчымасць унеслі лепту ў святкаванне Дня горада. Да канца лютага вы можаце пакінуць свае прапановы, скарыстаўшыся простым алгарытмам:
- Выбраць катэгорыю ідэі і (або) прапановы на сайце Полацкага райвыканкама у раздзеле «Падарунак роднаму гораду»
- Клікнуць па гэтай катэгорыі
- Выказаць ідэю і (або) прапановы
Ідэі і (або) прапановы, якія паступілі ў канкрэтную катэгорыю, будуць разгледжаны спецыялістамі профільных аддзелаў райвыканкама.
Аддзелы разглядаюць ідэю і (або) прапанову, удакладняюць дэталі, кансультуюцца і ўносяць абгрунтаваныя папраўкі для ўключэння (не ўключэння) іх у праект мерапрыемстваў па падрыхтоўцы і правядзенні Дня горада.
