Аргкамітэт пад кіраўніцтвам першага намесніка старшыні Полацкага райвыканкама Сяргея Леўчанка ужо пачаў падрыхтоўку да святкавання.
Цяперашні юбілейны Дзень горада абяцае стаць запамінальным і яркім. Нараўне з ужо ўпадабанымі палачанам і гасцям горада праектамі, такімі, як Горад майстроў, плануецца правесці комплекс мерапрыемстваў «Ганзейскія дні ў Полацку», літаратурны форум «Цэнтр Еўропы», фестываль беларускай кухні, мерапрыемствы рэспубліканскага фестывалю-конкурсу «Вясновы букет», а таксама маштабны праект «Шэдэўры музычнага мастацтва ля сцен старажытнай Сафіі» і многае іншае.
На сайце Полацкага райвыканкама працуе банк ідэй, куды кожны ахвотны можа ўнесці прапановы. Найбольш арыгінальныя і канструктыўныя будуць прыняты ў распрацоўку.
Крыніца: pvestnik.by
