Праграма мерапрыемства трымаецца ў строгім сакрэце, але арганізатары абяцаюць здзівіць гледачоў суперсучаснымі тэхналогіямі і спецэфектамі. Вядома, што ў маляўнічым шоу выступяць парадку 3 тыс.удзельнікаў. Кіраваць цырымоніяй, як і на летніх пекінскіх Гульнях-2008, будзе вядомы кінарэжысёр Чжан Імоу, які быў тройчы намінаваны на «Оскар». Кульмінацыяй стане запальванне чары з алімпійскім агнём, якая будзе выраблена найбольш нестандартным спосабам за апошняе стагоддзе. Асноўнымі тэмамі цырымоніі будуць экалогія, мір ва ўсім свеце, алімпійскія прынцыпы, а галоўнай канцэпцыяй - адзіны лёс чалавецтва. Дзень адкрыцця Алімпіяды супадае з пачаткам аграрнага сезона ў Кітаі, які называецца «лiчунь», што значыць «пачатак вясны». Гэта тэма таксама будзе пазначаная падчас цырымоніі, яна будзе адпавядаць афіцыйнаму дэвізу гульняў: «Разам дзеля агульнай будучыні». Талісманам пекінскай Алімпіяды з'яўляецца панда Бін Дуньдунь. Цырымонія адкрыцця пачнецца ў 15.00 па мінскім часе і будзе транслявацца ў прамым эфіры тэлеканалаў «Беларусь 1» і «Беларусь 5».
Спаборніцтвы Алімпіяды-2022 пройдуць на 25 аб'ектах, размешчаных у трох кластарах - Пекіне, Чжанцзякоў і Яньцыне. Медалі будуць разыграны ў 7 відах спорту, у 109 дысцыплінах. Упершыню на гульнях будуць прадстаўлены спаборніцтвы ў жаночым слоўпстайле (фрыстайл), мужчынскім і жаночым біг-эйры (сноўборд), змяшанай эстафеце ў шорт-трэку і жаночых адзіночных заездах у бабслеі.
Беларускія атлеты будуць змагацца за ўзнагароды ў шасці відах спорту: біятлон, гарналыжны спорт, лыжныя гонкі, канькабежны спорт, фігурнае катанне, фрыстайл. Для беларусаў гэта будуць восьмыя зімовыя гульні ў суверэннай гісторыі.
