Першымі захапіліся гераічным мінулым полацкай зямлі вучні і педагогі школы №1. Ужо 2 дзесяткі гадоў яны актыўныя ўдзельнікі вахты памяці. На тэрыторыі Полацкага раёна і цяпер можна прайсціся па ўмацаваным раёне, які летам 41-га спыніў наступ гітлераўскіх войскаў. У палях і лясах – больш за 200 дотаў. Гэтым летам у адным з такіх збудаванняў знойдзены парэшткі 14 байцоў. Імёны траіх атрымалася ўсталяваць, салдаты перапахаваны з усімі ўшанаваннямі.
Пачыналі з дзесятак удзельнікаў, цяпер да праекта па вывучэнню гісторыі Полацкага рубяжа падключацца ўсе школы горада і раёна. Новыя старонкі гісторыі адкрыюць для сябе каля 400 удзельнікаў атрадаў.
Сёння праект стартаваў, і прадстаўнікі школьных атрадаў атрымалі на рукі спецыяльнае заданне. Школьнікі наведаюць месцы баёў, навядуць парадак на захаваўшыхся абарончых збудаваннях, пазнаюць гісторыю вайсковых частак і падраздзяленняў, якія абаранялі горад. А затым новымі ведамі падзеляцца са сваімі аднагодкамі.
