Патрыятычнае выхаванне насельніцтва забяспечваецца сістэмай мэтанакіраваных мер светапогляднага, ідэалагічнага, прававога, палітычнага, інфармацыйнага і арганізацыйнага характару, падмацаваных канкрэтнымі мерапрыемствамі. Адмысловая роля ў гэтым працэсе адводзіцца сям'і.
Мэта Праграмы – удасканаленне дзяржаўнай палітыкі патрыятычнага выхавання насельніцтва праз фармаванне нацыянальнай ідэнтычнасці на аснове адзіных каштоўнасцяў (імкненне да мірнага і незалежнага стваральнага жыцця, справядлівасць, адзінства, развіццё), гонару за ўласную краіну, яе гісторыю і культуру, дасягненні ў эканоміцы, навуцы і спорце, гатоўнасці да абароны незалежнасці Рэспублікі Беларусь.
Праграма прадугледжвае выкананне наступных задач:
- фарміраванне нацыянальнай ідэнтычнасці – укараненне і зацвярджэнне грамадска-дзяржаўных (нацыянальных) каштоўнасцей, фарміраванне нацыі як адзінага цэлага, прадстаўленай ўнікальнымі традыцыямі і культурай;
- духоўна-маральнае выхаванне – захаванне і забеспячэнне пераемнасці традыцыйных каштоўнасцей беларускага грамадства;
- гісторыка-культурнае выхаванне – папулярызацыя айчыннай гісторыі, распаўсюджванне навукова абгрунтаванай інфармацыі аб гісторыка-культурнай спадчыне, баявых подзвігах і працоўных здзяйсненнях беларускага народа, важных гістарычных падзеях, памятных месцах, іх ролі і значнасці ў станаўленні беларускай дзяржаўнасці;
- грамадзянска-патрыятычнае выхаванне – фарміраванне законапаслухмянага грамадзяніна, чалавека, які свядома і актыўна выконвае свой грамадзянскі абавязак, прывіццё глыбокай павагі і шанавання дзяржаўнай сімволікі Рэспублікі Беларусь;
- ваенна-патрыятычнае выхаванне – фарміраванне фізічных, духоўных якасцей, якія дадуць магчымасць быць маральна ўстойлівымі, гатовымі да выканання канстытуцыйнага абавязку па абароне Айчыны;
- фарміраванне навукова-метадалагічных, метадычных, нарматыўных прававых і арганізацыйна-тэхнічных асноў нацыянальна-патрыятычнага выхавання – развіццё цэласнай дзяржаўнай палітыкі нацыянальна-патрыятычнага выхавання.
Іх выкананне будзе ажыццяўляцца, у прыватнасці, праз:
- інфармацыйна-асветніцкую работу з мэтай данясення да насельніцтва Беларусі, беларусаў, якія жывуць за мяжой, зместу грамадска-дзяржаўных каштоўнасцей Рэспублікі Беларусь;
- правядзенне мерапрыемстваў нацыянальна-патрыятычнага напрамку, у тым ліку прымеркаваных да дзяржаўных свят;
- садзейнічанне зацвярджэнню сямейных каштоўнасцей і актыўнае прыцягненне сям'і да працэсу нацыянальна-патрыятычнага выхавання;
- распрацоўку і актуалізацыю нацыянальна-гістарычнай палітыкі;папулярызацыю і захаванне нацыянальнай гісторыка-культурнай спадчыны ў Рэспубліцы Беларусь і свеце;
- павышэнне ўзроўню ўсвядомленага стаўлення насельніцтва да дзяржаўнай сімволікі Рэспублікі Беларусь;
- фарміраванне паважлівых адносін да гістарычных святыняў і помнікаў Айчыны, роднай прыроды, пачуцця гонару за айчынныя дасягненні;
- умацаванне прэстыжу службы ва Узброеных Сілах Рэспублікі Беларусь і праваахоўных органах;
- удасканаленне кадравай работы ідэалагічнай вертыкалі;
- арганізацыю дзейнасці ваенна-патрыятычных клубаў навучэнцаў на базе воінскіх часцей, падраздзяленняў Узброеных Сіл, іншых войскаў і воінскіх фарміраванняў.
У рэспубліцы будзе створаны Рэспубліканскі міжведамасны каардынацыйны савет па патрыятычным выхаванні насельніцтва Рэспублікі Беларусь пад старшынствам Намесніка Кіраўніка Адміністрацыі Прэзідэнта Рэспублікі Беларусь Ігара Луцкага. Палажэнне аб каардынацыйным савеце таксама зацверджана пастановай № 773.
Згодна з палажэннем Савет з'яўляецца пастаянна дзеючым калегіяльным дарадчым органам. Асноўнай яго задачай з'яўляецца каардынацыя ўзаемадзеяння рэспубліканскіх органаў дзяржаўнага кіравання, мясцовых выканаўчых і распарадчых органаў, грамадскіх аб'яднанняў, іншых зацікаўленых па патрыятычным выхаванні насельніцтва.
Дакумент набывае моц пасля яго афіцыйнага апублікавання.
