Для большасці рыбаловаў не сакрэт, што самы актыўны клеў рыбы назіраецца ў перыяд інтэнсіўнага ледаставу. У гэты ж час вялікая верагоднасць злову трафейнай рыбы, а адным з самых распаўсюджаных спосабаў лоўлі трафейнай рыбы ўзімку - з'яўляецца лоўля рыбы на зімовыя жарліцы (стаўкі).
Каб рыбалка прыносіла задавальненне, а радасць ад злову доўгачаканага трафея не азмрочылася непрыемнымі наступствамі неабходна памятаць і выконваць некаторыя нормы Правілаў вядзення рыбалоўнай гаспадаркі і рыбалоўства, датычныя выкарыстання ставак.
Полацкая міжраённая інспекцыя аховы жывёльнага і расліннага свету нагадвае!
У адпаведнасці з Правіламі забараняецца выкарыстанне жарліц, ставак і іншых аналагічных сістэм і абсталявання ў начны час сутак, а таксама без указання на іх прозвішча і ініцыялаў рыбалова, які ажыццяўляе лоўлю рыбы. Таксама забараняецца аматарскае рыбалоўства з пакіданнем устаноўленых прылад рыбалоўства без візуальнага кантролю. У выпадку выяўлення гэтыя прылады падлягаюць канфіскацыі органамі рыбалоўнага кантролю.
Не варта забываць і пра дазволеную колькасць снасцяў. Так, адначасова дазволена выкарыстанне прылад рыбалоўства аднаго або розных відаў з агульнай колькасцю гаплікаў не больш за 5 штук на рыбалова. Выключэнне складаюць рыбаловы-сябры РДГА «Беларускае таварыства паляўнічых і рыбаловаў», якім дазволена выкарыстоўваць да 10 жарліц (ставак) на рыбалова.
Таксама, неабходна памятаць, што для пэўных відаў рыбы Правіламі ўсталяваны прамысловы памер, г.зн. памер рыбы, пры дасягненні якога дазваляецца яе вылаў. Напрыклад, шчупак і судак, якія не дасягнулі ў даўжыню 40 см, павінны быць выпушчаны ў рыбалоўныя ўгоддзі ў жывым выглядзе. Даўжыня рыбы вызначаецца вымярэннем адлегласці ад вяршыні лыча (пры зачыненым роце) да асновы сярэдніх прамянёў хваставога плаўніка (г.зн. без уліку хваставога плаўніка).
Рыбаловы, якія парушылі патрабаванні Правілаў нясуць адміністрацыйную, крымінальную ці іншую адказнасць у адпаведнасці з заканадаўчымі актамі.
У адпаведнасці з артыкулам 16.25 КоАП здабыча рыбы ці іншых водных жывёл без належнага на тое дазволу, або ў забароненыя час або тэрміны, або ў забароненых месцах, або забароненымі прыладамі, або забароненымі спосабамі, а роўна замах на такую здабычу - цягнуць накладанне штрафу ў памеры ад дзесяці да трыццаці базавых велічынь з канфіскацыяй прылад здабычы рыбы.
Знаходжанне ў рыбалоўных угоддзях або на прылеглай да іх тэрыторыі на адлегласці да аднаго кіламетра ад берагавой лініі рыбалоўных угоддзяў з забароненымі прыладамі рыбалоўства або рыбай, лоўля якой у дадзеным раёне і ў дадзены час або тэрміны забаронена або вага якой перавышае ўстаноўленыя нормы, без дакументаў, якія пацвярджаюць законнасць валодання рыбай - цягне накладанне штрафу ў памеры ад пяці да трыццаці базавых велічынь.
Таксама прыйдзецца кампенсаваць і шкоду, прычыненую навакольнаму асяроддзю ў выніку незаконнай канфіскацыі рыбы.
Адначасова нагадваем, што з 1 лістапада па 31 сакавіка паўсюдна забаронены вылаў сама еўрапейскага. Здабыча гэтых відаў рыбы падчас забароны абыдзецца парушальнікам у буйныя сумы: 12 базавых велічынь за кожную асобіну сома еўрапейскага.
У мэтах захавання рыбных рэсурсаў і стварэння спрыяльных умоў для ўзнаўлення рыбы, пунктам 107 Правілаў вядзення рыбалоўнай гаспадаркі і рыбалоўства, зацверджаных Указам Прэзідэнта Рэспублікі Беларусь ад 8 снежня 2005 года № 580, з 25 снежня у рыбалоўных угоддзях Беларусі будзе дзейнічаць забарона на вылаў мянтуза звычайнага, які працягнецца да 28 лютага 2021 года.
За здабычу мянтуза звычайнага ў тэрміны забароны на яго вылаў прадугледжваецца адміністрацыйная адказнасць у выглядзе штрафу да 50 базавых велічынь альбо крымінальная, калі будзе здабыта больш за тры асобіны гэтага віду. Акрамя таго, за кожную злоўленую асобіну мянтуза ў перыяд нерасту давядзецца выплаціць 27 базавых велічынь у якасці кампенсацыі прычыненай прыродзе шкоды.
Паважаныя рыбаловы, выконвайце Правілы вядзення рыбалоўнай гаспадаркі і рыбалоўства і рыбалка будзе прыносіць вам толькі радасць!
Полацкая міжраённая інспекцыя аховы жывёльнага і расліннага свету
Тэл. 77-43-27
