Прадстаўнікі старэйшых пакаленняў памятаюць маштабныя святкаванні, якія праходзілі 7 лістапада паўсюдна. Гонар за дасягненні краіны Саветаў выплюхваўся на вуліцы гарадоў і сёл шматлюднымі дэманстрацыямі пад пунсовымі палотнішчамі сцягоў, гучалі патрыятычныя лозунгі і песні.
Час аддаляе ад нас лёсавызначальныя падзеі 1917 года, і нарадзіўшыяся дзесяцігоддзі праз, даведаюцца пра Кастрычніцкую рэвалюцыю, яе натхняльнікаў і правадыроў на ўроках, а часам - вось так, гуляючы па родным горадзе.
Новы век. Новае жыццё. Новыя каштоўнасці і ідэалы. Змяняецца ўсё, але Дзень Кастрычніцкай рэвалюцыі ў гісторыі і лёсе назаўсёды.
