Папоўніць свой прафесійны багаж сабраліся старэйшыя важатыя піянерскіх дружын, якія дзейнічаюць на базе ўстаноў агульнай сярэдняй адукацыі ўсіх раёнаў Віцебскай вобласці, старшыні тэрытарыяльных саветаў, таксама прыехалі і госці са Смаленска і Вязьмы, якія прадстаўляюць агульнарасійскую грамадскую арганізацыю «Расійскі саюз моладзі» і дзіцяча-юнацкую арганізацыю «Расійскі рух школьнікаў». Упершыню ў працы форуму прынялі ўдзел члены дзіцячай Палаты Віцебскага абласнога савета ГА «БРПА».
У СШ № 18 ім.Еўфрасінні Полацкай падчас урачыстага адкрыцця ўдзельнікаў форуму павітала начальнік аддзела сацыяльнай і выхаваўчай работы Полацкага раённага вучэбна-метадычнага цэнтра Ганна Гарбуля, якая пажадала ўсім плённай працы. Звярнуліся да прысутных і ганаровыя госці: старшыня Віцебскага абласнога савета ГА «БРПА» Ірына Еленская і старшыня Смаленскай абласной Агульнарасійскай грамадскай арганізацыі «Расійскі Саюз Моладзі».
Двухдзённая праграма форуму была вельмі насычанай.
Адукацыйны модуль «Важаты будучыні» быў прадстаўлены чатырма тэматычнымі пляцоўкамі, на якіх удзельнікі вывучалі дэталі і нюансы развіцця дзіцяча-маладзёжнага руху, інтэрактыўныя і праектныя формы працы ў піянерскіх дружынах, алгарытмы супрацоўніцтва са сродкамі масавай інфармацыі, пазнаёміліся з вопытам работы Смаленскай абласной арганізацыі Агульнарасійскай грамадскай арганізацыі «Расійскі Саюз Моладзі».
Важнай часткай форуму сталі пленум і Public message «PR-Піянер» дзіцячай Палаты Віцебскага абласнога савета ГА «БРПА», лідэрскі цімбілдынг «Team spirit», адкрыты дыялог у рамках рэспубліканскага праекта «Сустрэчы на ўсе 100», які прайшоў у фармаце пытанне-адказ. Удзельнікі абмяняліся ідэямі аб перспектывах развіцця піянерскага руху, была закранута тэма далейшага міжнароднага супрацоўніцтва маладзёжных арганізацый.
Яркім завяршэннем першага дня стаў Open-air марафон «БРПА - гэта крута!» на базе аддзела турызму і актыўнага адпачынку цэнтра дзяцей і моладзі. Тут пасля напружанай працы ўдзельнікаў форуму чакалі квэст-спаборніцтвы, цімбілдынг, вогнішча дружбы і данс-батл.
Другі дзень форуму быў таксама насычаным і пазнавальным. Старэйшыя важатыя і старшыні тэрытарыяльных саветаў ГА «БРПА» працягнулі навучанне на пляцоўках адукацыйнага модуля «Лідар будучыні». Запамінальнай для гасцей форуму стала прэзентацыя рэгіянальных гісторыка-краязнаўчых праектаў «Стужка часу», «Сяброўствам адзіныя: Полацк і гарады-пабрацімы».
Яркім фіналам стала ўрачыстае падвядзенне вынікаў працы, а таксама ўзнагароджанне ганаровымі граматамі і падзякамі самых актыўных лідараў ГА «БРПА» і тых, хто падтрымлівае і прымае ўдзел у жыцці піянерскай арганізацыі.
Крыніца: https://www.pvestnik.by/?p=79530
