Напярэдадні Дня работнікаў культуры ў Полацкім райвыканкаме адбылося ўрачыстае мерапрыемства, якое прайшло з удзелам яркіх і таленавітых прадстаўнікоў сферы.
Давайце жыць ярчэй!
«У прадстаўнікоў гэтай прафесіі асаблівая місія - фарміраваць радаснае ўспрыманне жыцця, - звярнулася да прысутных намеснік старшыні Полацкага райвыканкама Святлана Валюшкіна. - Гэта тычыцца не толькі творчых работнікаў, але і тэхнічных спецыялістаў, якія забяспечваюць бесперабойную працу ўстаноў. Аб'ектыўныя абмежаванні - гэта толькі выпрабаванне для вашай крэатыўнасці, імкнення да дасканаласці, магчымасць знайсці новыя формы працы».
2021 год стаў не толькі своеасаблівай праверкай творчых сіл, але і дэманстрацыяй высокай працаздольнасці і ўвасабленнем у жыццё самых смелых ідэй. Пацвярджэннем гэтаму стала ўзнагароджанне шматлікіх прадстаўнікоў галіны заслужанымі ўзнагародамі за добрасумленную працу, высокі прафесіяналізм і значны ўклад у развіццё сферы культуры Полацкага раёна.
Ля вытокаў прафесіяналы
Культура Полаччыны пастаянна развіваецца, мае свай годны твар, таму што ў яе вытокаў стаяць прафесіяналы сваёй справы, захопленыя і творчыя.
«Кожны раз, калі праходзяць выніковыя мерапрыемствы, будзь то ў Міністэрстве або упраўленні культуры, Полацкі раён - у лідарах па ўзнагародах. І гэта цалкам заслужана, — адзначыла начальнік аддзела культуры Полацкага райвыканкама Алена Астапава. - Нягледзячы на цяжкасці, якія адбываюцца, работнікі культуры заўсёды навідавоку: і там, дзе свята, і там, дзе патрэбна падтрымка».
Дасягненні работнікаў культуры Полацкага раёна не засталіся незаўважанымі ўпраўленнямі культуры, ідэалагічнай работы і па справах моладзі аблвыканкама, абласным метадычным цэнтрам народнай творчасці, полацкімі райвыканкамам і райсаветам дэпутатаў. Цэлая плеяда супрацоўнікаў сферы ўзнагароджана ганаровымі граматамі аддзела культуры райвыканкама. Сугучным настрою стала відэавіншаванне ад актывістаў Полацкай раённай арганізацыі ГА «Беларускі саюз жанчын», прадстаўнікоў розных прадпрыемстваў і арганізацый Полацкага раёна.
Напярэдадні прафесійнага свята вызначаны лепшыя культработнікі, якім прысуджана прэмія Віцебскага аблвыканкама за высокія творчыя дасягненні ў галіне культуры і мастацтва. Сёлета ўзнагароды ўдастоены калектыў ГУК «Цэнтр культуры «Полацк» у асобе дырэктара Дзмітрыя Грыневіча ў намінацыі «Лепшы арганізатар платных паслуг насельніцтву».
У партнёрстве
Сваёй творчасцю і любоўю да прафесіі работнікі сферы культуры запальваюць сэрцы, ствараючы свята, вучаць любіць і радавацца кожнаму дню. Таму ў нашых культработнікаў шмат сяброў і партнёраў, якія не толькі аказваюць дапамогу і садзейнічанне ў правядзенні розных мерапрыемстваў, але і самі часам прымаюць у іх актыўны ўдзел. Алена Астапава адзначыла супрацоўніцтва з прафсаюзам работнікаў культуры, інфармацыі, спорту і турызму, упраўленнем па адукацыі райвыканкама, Полацкім РАУС, Полацкім ГРАНС, Полацкім кадэцкім вучылішчам, в/ч 5530, 2034.
У адказ - добрыя пажаданні ў адрас усіх прадстаўнікоў сферы культуры.
У гэты дзень настрой калегам стваралі артысты гурта «Паварот» (ЦК «Полацк»), ансамбля народнай песні «Ферцiнка» (Полацкі РЦК), Анастасія Арлова, Кацярына Ляшэнка (Полацкі ГДК), Арцём Бірукоў (Полацкі ГРАНС).
Крыніца: https://www.pvestnik.by/?p=79525
