З 11 па 17 кастрычніка ў будынку штаб-кватэры Федэрацыі прафсаюзаў Беларусі і ў кожнай прафсаюзнай арганізацыі краіны пройдзе акцыя «Павіншуем маму разам!». Любы член прафсаюза зможа перадаць важныя словы для мамы праз адну з прапанаваных паштовак, бясплатна даслаўшы яе па паказаным адрасе.
Ёсць і іншы варыянт: можна спампаваць гатовыя паштоўкі прама на гэтай старонцы, выбраць упадабанае віншаванне – і адправіць у сацыяльныя сеткі або на е-мэйл дарагога чалавека.
Акцыю «Павіншуем маму разам!» ініцыяваў Маладзёжны Савет ФПБ у 2015 годзе. Штогод у ёй удзельнічаюць больш за паўмільёна чалавек.
Ушанаванне жанчыны-маці мае шматвяковую гісторыю. І цяпер у розны час жанчыну-маці віншуюць у многіх краінах свету. У Беларусі Дзень маці святкуюць 14 кастрычніка.
Крыніца: https://www.pvestnik.by/?p=79424