Тыповая сітуацыя, калі спадчынадавец жыў на тэрыторыі Рэспублікі Беларусь, і там жа знаходзілася яго маёмасць. У такім выпадку месцам адкрыцця спадчыны з'яўляецца апошняе месца жыхарства спадчынадаўца, вызначанае па яго рэгістрацыі (пры яе адсутнасці — месцы знаходжання) на дзень адкрыцця спадчыны.
Але як аформіць спадчыну, калі чалавек на дзень смерці быў пастаянна зарэгістраваны на тэрыторыі Расійскай Федэрацыі, а нерухомую маёмасць знаходзіцца ў Беларусі? У гэтым выпадку атрыманне ў спадчыну нерухомай маёмасці вызначаецца па праве Рэспублікі Беларусь. Таму для афармлення сваіх спадчынных правоў на нерухомую маёмасць спадчыннікі ў шасцімесячны тэрмін з дня адкрыцця спадчыны павінны звярнуцца ў натарыяльную кантору Рэспублікі Беларусь па месцы знаходжання нерухомай маёмасці. Варта адзначыць, што беларускаму натарыусу будзе патрэбна інфармацыя з расійскай спадчыннай справы аб апошнім месцы жыхарства спадчынадаўца, спадчынніках, якія прынялі спадчыну на тэрыторыі Расійскай Федэрацыі, аб складзе спадчыннай маёмасці, аб наяўным завяшчанні альбо яго адсутнасці. Дадзеную інфармацыю спадчыннікі могуць даць самастойна альбо яна можа быць запытана натарыусам пры асабістым звароце ў натарыяльную кантору. Замежныя грамадзяне ўспадкуюць на тэрыторыі Рэспублікі Беларусь маёмасць або права па законе або па завяшчанні на роўных умовах і ў тым жа аб'ёме, як і грамадзяне Рэспублікі Беларусь.
