3-15 жніўня на берагавой тэрыторыі возера Суя Полацкага раёна (пляж «Залатыя пяскі») адбудзецца раённы маладзёжны турысцкі злёт, прысвечаны Году народнага адзінства.
Мэта мерапрыемства: удасканаленне і актывізацыя сістэмы фізкультурна-аздараўленчай і спартыўна-турысцкай працы, развіццё спартыўнага турызму і актыўнага адпачынку на тэрыторыі Полацкага раёна.
Праграма вельмі насычаная і цікавая: мітынгі, акцыі, спаборніцтвы па тэхніцы турызму і трыятлоне, спартыўнае арыентаванне, конкурс турысцкіх газет і мастацкай самадзейнасці, краязнаўчая віктарына і многае іншае.
Разыначкай турзлёту стане правядзенне конкурсу на лепшы талісман з падручных матэрыялаў, які будзе ўвасабляць сабой калектыў, спецыфіку і віды дзейнасці арганізацыі.
