У агні гінуць грызуны, птушкі і іх гнязды, маладыя парасткi, насенне і ныркі раслін. Часта палы пераходзяць у тарфяныя або нават у лясныя пажары.
Пажары здольны выклікаць змену заалагічнага і мікробнага свету. Змяніўшаяся пасля пажару асяроддзе становіцца непрыдатным для жывёл, якія жылі там раней.
Таму яны перамяшчаюцца ў іншыя больш прымальныя ўмовы, а на іх месца прыходзяць іншыя арганізмы, для якіх сфармаваўшаяся на пажарышчы асяроддзе ў большай ступені адпавядае іх экалагічным патрабаванням. Прыкладам гэтаму можа служыць сасновы лес, населены вавёркамі. Пасля пажару сасновы лес гіне, у жывёл знікае кармавая база, і яны перасяляюцца на іншыя ўчасткі лесу.
Дым ад буйных пажараў можа распаўсюджвацца на сотні кіламетраў. Задымленне ніжніх слаёў атмасферы негатыўна ўплывае на здароўе людзей, асабліва дзяцей, пажылых, цяжарных жанчын, маючых праблемы з сардэчна-сасудзістымі захворваннямі. Моцнае задымленне пасля пажараў затрымлівае развіццё раслін, таму яны вылучаюць менш кіслароду, а лес з'яўляецца яго галоўным пастаўшчыком.
Падчас інтэнсіўнага гарэння лесу канцэнтрацыя чаднага газу ў параўнанні з фонавым утрыманнем у паветры павышаецца амаль у 30 разоў, метану - у два разы, вуглякіслага газу - на 8%. Выкіды ад пажараў узмацняюць парніковы эфект. Сутнасць яго заключаецца ў тым, што сонечныя прамяні, адлюстроўваючыся ад зямлі, трансфармуюцца ў даўгахвалевае цеплавое выпраменьванне, якое затрымліваецца парніковымі газамі.
Інспекцыя звяртае ўвагу, што ў адпаведнасці з артыкулам 20 Закона Рэспублікі Беларусь «Аб раслінным свеце» выпальванне сухой расліннасці (сухіх раслін) і яе рэшткаў на корані забараняецца. За невыкананне названага патрабавання прадугледжана адказнасць у адпаведнасці з Кодэксам Рэспублікі Беларусь аб адміністрацыйных правапарушэннях. Згодна з артыкулам 16.40 Кодэкса аб адміністрацыйных правапарушэннях за выпальванне сухой расліннасці, траў на корані, а таксама іржышча і пажніўных рэшткаў на палях альбо непрыняцце мер па ліквідацыі палаў вінаватыя асобы прыцягваюцца да адміністрацыйнай адказнасці ў выглядзе штрафу ў памеры ад 10 да 30 базавых велічынь. Акрамя таго, за незаконнае выпальванне сухой расліннасці, траў на пні, а таксама іржышча і пажніўных рэшткаў вінаватыя асобы кампенсуюць шкоду, прычыненую навакольнаму асяроддзю (пастанова Савета Міністраў Рэспублікі Беларусь ад 17 ліпеня 2008 г. № 1042). Памер кампенсацыі шкоды, прычыненай навакольнаму асяроддзю, вызначаецца па таксам, зацверджаным Указам Прэзідэнта Рэспублікі Беларусь ад 24 чэрвеня 2008 г. № 348.
Наваполацкая інспекцыя ПРiАНС
