Дадзеныя сродкі перамяшчэння не абсталяваны эфектыўнымі сістэмамі бяспекі, аднак цалкам здольны развіваць хуткасць ад 20 да 80 км/г, у залежнасці ад магутнасці электрычнай сілавой устаноўкі. Менавіта гэта прадстаўляецца небяспечным для ўсіх удзельнікаў дарожнага руху.
Аддзел ДАІ Полацкага РАУС з 31 мая праводзіць прафілактычныя мерапрыемствы па папярэджанні дарожна-транспартных здарэнняў і кантролі за бяспечным выкарыстаннем грамадзянамі персанальных сродкаў мабільнасці (электрасамакат, гiроскутэр, сiгвей і іншае).
Дзяржаўтаінспекцыя нагадвае:
- пры выкарыстанні сродкаў персанальнай мабільнасці забараняецца рухацца па праезнай частцы. Трэба карыстацца веласіпеднымі дарожкамі, а пры адсутнасцi такiх - рухацца па тратуары, пешаходнай дарожцы альбо абочыне, не ствараючы перашкоды для руху іншых пешаходаў;
- пры перасячэнні праезнай часткі трэба загадзя знізіць хуткасць і, пераканаўшыся, што выхад (выезд) на праезную частку дарогі бяспечны, перасякаць яе з хуткасцю ідучага крокам пешахода;
- забараняецца ездзіць удваіх на адным самакаце;
- забараняецца перавышаць максімальна рэкамендаваную хуткасць на такім сродку перасоўвання, а ў выпадку стварэння перашкод для руху пешаходаў, яго ўладальнік павінен спешыцца або знізіць хуткасць, якая не будзе перавышаць хуткасць руху пешаходаў;
- абавязкова выкарыстоўвайце ахоўную экіпіроўку, а менавіта: велашлем, накаленнікі і налакотнікі. Акрамя гэтага, адзенне для катання павінна быць зручным і не скоўваць руху;
- шануйце бяспечную дыстанцыю да любых аб'ектаў і бяспечную хуткасць руху, каб своечасова спыніцца, пры гэтым не прымяняючы экстранага тармажэння;
- у цёмны час сутак і ва ўмовах недастатковай бачнасці пазначце сябе і свой транспартны сродак святлоадбіўнымі элементамі, каб вас бачылі;
- не кіруйце транспартным сродкам у стане ап'янення і не адцягвайцеся падчас катання на тэлефон. Усё гэта можа пацягнуць за сабой вельмі сур'ёзныя наступствы;
- пры наяўнасці руля забараняецца рухацца, не трымаючыся за яго.
-Згодна ПДР удзельнікі дарожнага руху абавязаны не ствараць перашкод і небяспекі для дарожнага руху, дзейнічаць добрасумленна, карэктна, быць уважлівымі і быць узаемна ветлiвымi, - падкрэсліў дзяржаўтаінспектар АДАІ Полацкага РАУС Аляксей Каваленка.
Крыніца: https://www.pvestnik.by/
