Гэта з'ява набыла настолькі шырокі і рэгулярны характар, што стала мацнейшым разбуральным фактарам, негатыўна ўплываючым на навакольнае асяроддзе.
Хтосці кідае ў сухую траву запаленую запалку дзеля забавы, а хтосці з дапамогай агню імкнецца «навесці парадак» вакол падворка, не задумваючыся пра тое, што агонь распаўсюджваецца бескантрольна і вельмі хутка, захопліваючы значныя тэрыторыі, што нярэдка цягне за сабой знішчэнне маёмасці.
Штогод 10-12% лясных пажараў узнікае па прычыне правядзення вясновых палаў. Маласвядомымі грамадзянамі дапускаецца выпальванне мінулагодняй сухой травы ўздоўж аўтамабільных дарог і чыгунак, на сельскагаспадарчых і лясных угоддзях. На палях спальваецца стэрня, пажніўныя рэшткі, сцірты з саломай, смецце, што прыводзіць да ўзнікнення пажараў у лясах і на тарфяніках. Іх ліквідацыя патрабуе вялікіх матэрыяльных выдаткаў, адцягнення людзей і тэхнікі, а таксама шматгадовай працы па аднаўленні ўтварыўшыхся пустак.
Меркаванне пра тое, што палы дапамагаюць лепшаму росту травы, глыбока памылкова. У выніку выпальвання адбываецца дэградацыя расліннага покрыва, збядняецца яго відавы склад, замест квітнеючага разнатраўя лугоў з'яўляецца бур'ян пустак. Са знішчэннем раслінных рэшткаў спыняецца паступленне ў глебу арганічных рэчываў, яна губляе здольнасць утрымліваць вільгаць, пачынаецца яе разбурэнне, рэзка памяншаецца колькасць перагною.
Таксама збядняецца відавы склад жывёльнага свету: у агні гінуць птушкі, дробныя грызуны, насякомыя.
Пра ўсё гэта пісалася і гаварылася шматкроць. Аднак па-ранейшаму знаходзяцца жадаючыя «пагуляць» з агнём. А гэта, на самай справе, не толькі небяспечна, але і жорстка. Перш, чым падпаліць траву, падумайце пра наступствы!
У адпаведнасці з артыкулам 16.40 КоАП РБ, за незаконнае выпальванне сухой расліннасці, траў на корані, а таксама іржышча і пажніўных рэшткаў на палях альбо непрыняцце мер па ліквідацыі выпальванняў вінаватыя асобы прыцягваюцца да адміністрацыйнай адказнасці ў выглядзе штрафу ў памеры ад 10 да 30 базавых велічынь.
Акрамя таго, незаконнае выпальванне сухой расліннасці з'яўляецца фактам прычынення шкоды навакольнаму асяроддзю і прадугледжвае грамадзянска-прававую адказнасць.
Крыніца: https://www.pvestnik.by/
