Звяртаючыся да прысутных, міністр адукацыі Рэспублікі Беларусь Ігар Карпенка адзначыў годны ўклад рэктара Дзмітрыя Лазоўскага ў развіццё ўніверсітэта, падзякаваўшы яму, уручыў грамату Міністэрства адукацыі і пажадаў далейшых поспехаў на ніве вышэйшай адукацыі, адзначыўшы, што Дзмітрый Мікалаевіч працягне працаваць у ВНУ. Таксама ён прадставіў Алега Раманава, які з 16 сакавіка 2021 года прызначаны на пасаду рэктара Полацкага дзяржуніверсітэта. Ён раней працаваў першым прарэктарам Гродзенскага дзяржаўнага ўніверсітэта імя Янкі Купалы, з'яўляецца доктарам філасофскіх навук, прафесарам.
У сваім выступе Ігар Васільевіч закрануў перспектывы развіцця і ўдасканалення сістэмы вышэйшай адукацыі ў цэлым, падкрэсліўшы, што ВНУ павінны выпускаць спецыялістаў, запатрабаваных на рынку працы. Асабліва ён адзначыў неабходнасць развіцця сацыяльна-гуманітарнага блока і навуковай інавацыйнай інфраструктуры, узмацнення выхаваўчай работы.
Дзмітрый Лазоўскі падзякаваў калегам за сумесную плённую 18-гадовую працу. «Упэўнены, што наш універсітэт, найстарэйшы ў краіне, будзе і ў далейшым развівацца, ісці наперад», - сказаў ён.
Звяртаючыся да прысутных, Алег Hаманаў выказаў удзячнасць за аказаны давер і падкрэсліў: «Прыкладу ўсе сілы, каб Полацкі ўніверсітэт паступальна развіваўся. Мы будзем вырашаць стаячыя перад ім задачы на высокім узроўні». Таксама ён пазначыў асноўныя прынцыпы працы - пераемнасць, развіццё чалавечага патэнцыялу, адкрытасць, інавацыйнасць і патрыятызм.
Фота Іллі Швядко.
Крыніца: http://www.pvestnik.by/
