Летнія шыны рэкамендуецца выкарыстоўваць пры тэмпературы вышэй 7 градусаў. А ў сакавіку сіноптыкі абяцаюць перапады тэмпературы з начнымі замаразкамі і ападкі ў выглядзе снегу. Таму ездзіць на зімовых шынах будзе бяспечней.
– Пры пагаршэнні пагодных умоў, кіроўцам неабходна быць максімальна ўважлівымі. Нагадваем, каб пазбегнуць ДТЗ, неабходна выконваць устаноўлены хуткасны рэжым, дыстанцыю і бакавы інтэрвал. Аўтаўладальнікам, у якіх стаж ваджэння менш аднаго года, варта прыслухацца да нашых рэкамендацыяў абавязкова, і пакуль не мяняць гуму на летнюю, – падкрэсліў старшы інспектар АДАІ Полацкага РАУС Віталь Кантораў.
Асабліва асцярожнымі трэба быць пры руху на мастах, пуцеправодах, спусках і ўздымах дарог.
- Пазбягайце рэзкага тармажэння і неабдуманых дзеянняў за рулём – адзначыў старшы інспектар.
Пешаходам варта праяўляць максімум увагі і асцярожнасці пры перасячэнні праезнай часткі. З-за магчымага абледзянення тратуараў неабходна акуратна набліжацца да краю праезнай часткі. У цемры варта абавязкова абазначаць сябе святлоадбівальнымі элементамі.
Фота Уладзіслава Кавалёва.
Крыніца: http://www.pvestnik.by/
